A vicepresidenta segunda da Deputación, Lara Méndez e a Deputada de Economía, Pilar García Porto, esixiron en rolda de prensa explicacións inmediatas á Xunta pola concesión de obradoiros de emprego para o ano 2013.
A Consellería de Traballo anunciou hai uns días que a provincia de Lugo acollería 9 obradoiros de emprego dos que se beneficiarán 21 concellos. As deputadas ven nestas concesións unha dobre discriminación. A provincia de Lugo é a que menos obradoiros acollerá, a que menos fondos recibe e a que menos alumnos poderá formar. Lara Méndez foi moi dura co reparto de obradoiros e considera que “os datos demostran que de novo a Xunta do PP considera ós lucenses cidadáns de segunda”.
Pero ademais da discriminación á provincia, as deputadas consideran que se deu nas concesións prioridade ós concellos do Partido Popular, xa que máis do 90% dos beneficiarios son desta cor política. Dende a Deputación insisten en que esta situación repítese ano tras ano o que demostra que a Xunta emprega estes obradoiros como arma política e sen pensar no beneficio común dos cidadáns.
A Deputación considera inadmisible esta situación, pola que pide explicacións inmediatas á Consellería de Traballo para que especifique os criterios que seguiu na distribución dos obradoiros. Recordan dende a entidade provincial que a Xunta é a única que ten competencias en materia de emprego e que tamén nesta convocatoria rexeitou o obradoiro que solicitou a Deputación.
Criterios non axeitados
Pilar García Porto destacou que os criterios que manexou a Consellería de Traballo non son os axeitados para a provincia de Lugo. Entre eles, se establece como requisito indispensable que os concellos beneficiarios teñan unha media de 500 desempregados durante o ano 2012. Poucos concellos da provincia poden cumprir este aspecto. Das grandes poboacións da provincia, só Sarria e Vilalba, gobernadas polo Partido Popular, contarán con obradoiro mentres que Ribadeo e Monforte, quedan excluídos ano tras ano.
A Deputación pide que a Xunta estableza criterios realistas como valorar que o 5% da poboación do concello estea no paro.
Outro requisito das bases di que primará os proxectos conxuntos de concellos limítrofes, aspecto que denuncian desde a Deputación non se tivo en conta no caso do proxecto presentado polos concellos socialistas de Becerreá, Navia e Cervantes, pero si para conceder obradoiros a outros concellos do Partido Popular. Ademais, denuncian as Deputadas, os concellos do Partido Popular agrúpanse entre eles discriminando e impedindo a participación dos municipios doutras cores políticas, tal é o caso de Monterroso.
Máis requisitos que non se cumpren
Outro requisito para acadar un obradoiro de emprego é non ter acollido ningún nos últimos catro anos. Os datos oficiais da Xunta revelan que sen embargo repiten como beneficiarios concellos populares como Sober, Burela, Ourol, Abadín, Vilalba, Guitiriz, Begonte, Xermade, Cervo, Xove ou Saviñao, que volven ter un obradoiro a pesar de telo nos últimos catro anos.
Chama a atención o caso de Sober, que recibiu no 2010 un total de 530.000 euros mentres que outros concellos como Monforte ou Ribadeo, do BNG, volven ser marxinados ano tras ano.
Dende a Deputación poñen o acento noutros requisitos que non se cumpren. Un deles son ás cifras de inserción laboral dos anteriores obradoiros. A Xunta afirmou que o 60% dos alumnos destes obradoiros atopan traballo nos 6 meses posteriores de recibir os cursos. Aspecto que non concorda con que concellos como Sober acollan obradoiros ano tras ano.
Pero un dos aspectos máis ilustrativos é que non se tivo en conta o número de parados de cada concello, xa que senón Monforte e Ribadeo si deberían contar co seu obradoiro.
Para a Deputación medidas como os obradoiros de emprego son moi necesarias nunha provincia que precisa de iniciativas que axuden a fixar poboación, polo que é gravísima esta discriminación cun asunto de vital importancia como é atopar traballo e solicitan da Xunta unha rectificación.
Consideran dende a Deputación que esta decisión empeora a situación de crise económica e desemprego que están a sufrir os lucenses que teñen que loitar contra esta discriminación da Xunta que lles retira oportunidades de emprego por non ser do partido Popular.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
