“Conta a lenda que a Maruxaina é unha serea loura, metade peixe, metade muller que vive na cova de San Vello, nos illotes dos Farallóns…entre percebes e mexillóns, onde pasa o tempo fiando con febras de liño. Nos días de temporal sóbese ao alto da Sombriza berrando e tocando o corno…hai quen di que para avisar aos mariñeiros do perigo que corren… outros que para enganalos e levalos a naufragar… de aí a polémica que dende tempos inmemoriais hai na vila mariñeira de San Ciprián…” de aí a orixe máxica dunhas das festas máis multitudinarias da nosa comarca, declarada de interese turístico galego.
Chegado o segundo sábado de agosto, a xornada chamada a revivir a lenda, a Península da Paz convértese nun pobo entusiasta entregado en corpo de alma á serea. Faino desde a paixón emocionada dos veciños desta localidade que reproducen as roupas dos mariñeiros e peixeiras de séculos de outrora, e desde a acollida festiva dunha multitude de persoas procedentes de todos os recunchos dispostos a sumarse como un máis, como maruxainas e maruxainos contaxiados desta atmosfera excepcional que chamamos lenda.
Como veciño de San Ciprián tan só teño palabras de admiración, apoio e respecto para todas aquelas persoas que fan posible esta festa e que traballan por actualizar o seu espírito lexendario. Como copartícipe da súa organización ao integrar anos atrás, en moitas ocasións, varias comisións de festas, sei do esforzo que esixe e do ingrato que ás veces pode chegar a ser unha tarefa destas características. Como maruxaino de honra, recoñecemento que me enche de orgullo e que obtiven no ano 2010, quixera facerme voceiro de moitos e con humildade pedir a todas e todos para que nos acompañen. Convidarvos a vivir esta festa, a formar parte desa lexión de namorados pola serea que cada ano veñen ata o antigo pobo mariñeiro que visualiza os Farallóns.
“Xulgada publicamente, e achada inocente, a xente baila con ela ata chegar a madrugada, acompañados dunha purificadora queimada, e ata o intre no que é liberada, … cando a Maruxaina escapa cara a súa morada na cova”.
Cantas lendas, festas, actividades culturais e recreativas temos dignas de gozar no conxunto das vilas e pobos da Mariña lucense, que en cada estación dispón de múltiples argumentos para ser visitada. Temos moitas razóns para estar orgullosos desta comarca. Veciños ou visitantes, seremos capaces de sentir en calquera momento ao noso redor, o verde osixenado dos nosos montes, o son das ondas, o olor da auga salgada, o suavidade das areas, o dos ouvidos do mar… o feitizo desta Mariña máxica, empezando, pode ser unha boa idea, polo embruxo da Maruxaina.
José Manuel Balseiro
Secretario do Parlamento de Galicia
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
