Cervo, 27 de agosto de 2013.- José Manuel Balseiro presidente da Comisión organizadora das festas do Carme e Maruxaina nos anos 2011 e 2012 dixo hoxe que escoitar as críticas da vicepresidenta segunda da Deputación de Lugo, Lara Méndez, en relación co apoio da Xunta á festa da Maruxaina é descoñecer a realidade do seu propio pobo.
Balseiro revelou que a Deputación de Lugo non só non puxo un solo euro para a Maruxaina nos últimos cinco anos senón que incluso mantén unha débeda coa Comisión organizadora que data do ano 2011. Daquela a administración provincial puxo un anuncio no libro das festas que aínda de hoxe non pagaron, é polo tanto, o ente do que forma parte Lara Méndez é unha administración morosa coa Maruxaina.
APOIOS DA ADMINISTRACIÓN AUTONÓMICA
Balseiro tamén aclarou que nos últimos anos os organizadores desta festa de interese turístico recibiron axudas da Xunta a través das consellerías de Cultura, Industria (Comercio), Educación (cando era un departamento independente), Portos de Galicia e da Autoridade Portuaria Ferrol-San Ciprián, o que contrasta coa axuda cero da Deputación
INTERESE TURÍSTICO GALEGO
Balseiro quixo lembrar que festa da Maruxaina foi declarada de interese turístico galego no ano 2003, cun goberno popular tanto no Concello de Cervo como na Xunta de Galicia.
NOVAS AXUDAS
Balseiro espera que a Comisión organizadora actual tamén reciba a axuda da Xunta ou dalgún ente dependente da mesma, aínda que non será el quen venda a pel do oso antes de cazalo, en calquera caso non admitirá leccións de quen, a pesar de ser veciña de San Ciprián, non solo non colabora coa organización da Maruxaina a través das responsabilidades políticas que xestiona -en referencia a Lara Méndez- senón que incluso permite que a Deputación de Lugo sexa a día de hoxe morosa cun anuncio pendente de cobro de 240 euros.
O CONCELLO PRINCIPAL APOIO
Balseiro tamén aclarou, finalmente, que a subvención denegada ao concello non era para a Comisión organizadora das festas senón para colaborar coa administración local coas infraestruturas e que incluíu un erro de conceptos non subvencionables que se está estudando corrixir. En todo caso, a diferenza da Deputación o Concello si outorga unha axuda anualmente á Maruxaina, un dos principais apoios a esta festa de interese turístico galego.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
