Burela, 27 de agosto de 2013. O alcalde de Burela, José María González Barcia, compareceu hoxe en rolda de prensa, xunto co seu equipo de goberno, para facer unha valoración do que onte lle anunciou en Santiago o conselleiro de Medio Ambiente, Territorio e Infraestruturas, Agustín Hernández: as obras do acceso ó porto burelés licitaranse no próximo ano 2014.
González Barcia considera que “o compromiso público do conselleiro de Medio Ambiente sobre esta obra é para estar satisfeitos, dado que é a plasmación do compromiso do goberno da Xunta que preside Alberto Núñez Feijóo coa realización desta infraestrutura que tanto necesita o porto e o noso concello”.
O alcalde burelés lembrou os distintos momentos polos que pasou esta obra: “foi un goberno da Xunta do PP quen aprobou o proxecto; foi un goberno bipartito da Xunta quen a licitou, pero quen tamén a parou; foi un goberno da Xunta presidido por Núñez Feijóo quen tivo que comerse o marrón que se atopou e tivo que rescindir o contrato, pero tamén este mesmo goberno de Núñez Feijóo redactou e aprobou definitivamente un novo proxecto construtivo e será o goberno de Núñez Feijóo quen licite, comece e remate as obras do acceso ó porto de Burela conforme a ese novo proxecto”.
Barcia destacou a importancia da obra para Burela: “é unha obra estratéxica para o porto pero tamén para a vila”, afirmou. “É unha obra estratéxica para o porto porque facilitará a entrada e saída de distintas mercadorías e de peixe, axilizando e reducindo o tempo de acceso ó porto do transporte, e posibilitando no futuro o acceso ó corredor Barreiros-San Cibrao e por extensión ó corredor San Cibrao-Ferrol, pero fundamentalmente á autovía do Cantábrico, a A-8”.
No que se refire á vila no seu conxunto, o alcalde subliñou que “o acceso ó porto permitirá reducir de forma considerable o tráfico pesado polo casco urbano, co que gañaremos todos: os veciños, que deixarán de soportar ruídos e tráfico e mellorarán a súa calidade de vida, e o Concello, que terá que destinar menos fondos ó mantemento de certas rúas, polas que pasa o tráfico pesado”.
José María González Barcia indicou que “o goberno da Xunta, que preside Alberto Núñez Feijóo, é moi consciente da importancia desta infraestrutura, tanto é así que estaba no programa electoral co que o PP concorreu ás eleccións autonómicas de hai dez meses. Creo que é de agradecer que o Goberno da Xunta, na situación económica que estamos a vivir, asuma publicamente o compromiso con esta obra, porque isto demostra que para o 2014 haberá a dotación orzamentaria para licitar a obra e comezar e levar a cabo a súa execución”.
O alcalde tamén manifestou o seu desexo de que “deste xeito queden disipadas as dúbidas que algunhas persoas podían, lexitimamente, ter sobre a realización ou non desta obra. Un anuncio dun conselleiro, neste caso do conselleiro Agustín Hernández, é sempre algo serio e rigoroso. Por iso quero agradecerlle a Agustín Hernández o seu compromiso público na seguridade de que a súa palabra é lei: comigo sempre foi sincero e sempre me dixo as cousas con total claridade”.
Finalmente, Barcia indicou que “a partires de agora, o contacto coa Consellería será máis estreito, xa que logo da aprobación dos presupostos da Xunta para 2014 comezará todo o traballo de preparación da licitación da obra, posterior adxudicación e comezo da mesma”.
O importe que a Axencia Galega de Infraestruturas destinará á execución desta actuación é de 7.662.180 euros.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
