Cervo, 12 de agosto de 2013.- O Concello fixo este luns a presentación oficial do novo Grupo de Emerxencias Supramunicipal con sede en Cervo que estará activo a partir deste martes despois de que os seus integrantes asinasen hoxe os contratos de traballo. Un GES que prestará cobertura aos concellos de Cervo, Xove, Burela, Alfoz, O Valadouro e Foz, composto por 12 efectivos cunha estrutura profesionalizada e carácter permanente que estará de garda as 24 horas ao día os 365 días do ano.
No acto estiveron presentes o alcalde de Cervo, Alfonso Villares, o edil de Seguridade Cidadá, José Ramón Soto, e os 12 compoñentes do GES. Uns efectivos que forman parte deste grupo de emerxencias despois de superar o proceso público de selección e que comezan a prestar servizo tras realizar o curso de capacitación da Academia Galega de Seguridade Pública.
O GES con sede en Cervo terá entre as súas funcións a atención de todas as emerxencias que se produzan nos municipios de cobertura, entre as que se atopan a intervención en incendios forestais e urbanos, en situacións de risco e emerxencia relacionadas coa rede de estradas e cos riscos naturais e protección civil. Ao mesmo tempo, tamén se inclúe a realización de traballos forestais preventivos así como outras medidas dirixidas a minimizar riscos.
A posta en marcha deste grupo de emerxencias implica un forte investimento da Xunta de Galicia, que financia a maior parte do custo do servizo achegando o 57% do gasto total de persoal e funcionamento. Ademais, o Concello de Cervo aporta un 27% e a Deputación o 16% restante. Unha colaboración que quedou plasmada no convenio asinado no mes de maio en Lugo entre os representantes da Xunta, a FEGAMP e a Deputación. Uns días despois, o pleno de Cervo aprobou a súa adhesión a dito convenio como municipio sede.
O GES de Cervo, ao igual que os demais grupos operativos creados baixo este convenio, virá a complementar a atención das emerxencias e extinción de incendios que prestan outros corpos e completará o mapa de emerxencias de Galicia.
O concelleiro de Seguridade Cidadá, José Ramón Soto, aproveitou este acto para dar as grazas á Xunta de Galicia, “por facer unha achega tan importante e posibilitar a posta en marcha deste grupo de emerxencias”. Soto tamén quixo agradecer ao Goberno galego “que atendese a petición e os argumentos técnicos achegados polo alcalde de Cervo e vicepresidente da FEGAMP cos que defendeu a idoneidade de que Cervo fose sede dun GES”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
