O luns 19 de agosto, ás 13:00 horas, inaugurarase a exposición “MAÑÁS ACTIVAS DE VERÁN” na Oficina de Información Xuvenil de Xove. A mostra recolle os traballos de manualidades (fofuchas e scrapbooking), fotografía e reciclaxe levados a cabo nos obradoiros do programa “Mañás activas de verán” durante os meses de xullo e agosto. A inauguración contará coa presencia do alcalde Demetrio Salgueiro e a concelleira de xuventude Ana Abad. Tamén están invitados a esta inauguración os rapaces e rapazas participantes, así como os seus familiares, que poderán degustar os pinchos elaborados por eles mesmos no taller de cociña sana. O programa “Mañás activas de verán” contou coa participación de 32 rapaces e rapazas de idades comprendidas entre os 10 e os 16 anos, e de 5 voluntarias, subvencionadas pola Dirección Xeral de Xuventude e Voluntariado, que colaboraron na realización das diferentes actividades, prestando especial atención aos menores que o precisaron.
Inauguración da exposición de ‘Mañás activas de verán’
Relacionado
-
Presentación de “Cartas na escuridade”, de Lois Pérez, en Ribadeo
-
O Concello de Cariño abre o prazo para inscribirse no campamento ‘Concilia Cariño Verán’, unha alternativa de lecer educativo que ten como obxectivo axudar á conciliación familiar durante as vacacións escolares de verán
-
A pastelería e cafetería ‘Los dulces de Delphine’ abriu en Ribadeo, na rúa San Roque número 29, e integrouse na Asociación de Comerciantes, Industriais, Servizos e Autónomos (Acisa)
Con fotografías das fotoxornalistas Pepa Losada, María Mon Geada e Aida López. Terá lugar este venres 30 de Maio as 20,00 horas.
Un recoñecemento que certifica a calidade ambiental, a accesibilidade e o compromiso coa sustentabilidade dun dos principais recursos turísticos do concello. Esta Senda, que percorre boa parte do litoral naviego, volveu a ser distinguida polo programa Carreiros Azuis de ADEAC (Asociación de Educación Ambiental e do Consumidor).
O percorrido guiado por Ana Pena permitirá aos participantes conectar o camiño do Foxo co paseo litoral visitando os recunchos máis salientables como a curiosa "Tableta de Chocolate", os asentamentos castrexos, os obxectos atopados e a importancia que tivo e ten Cabo Burela. Unha boa oportunidade para coñecer o patrimonio de Burela que ademais estará en festas coincidindo ese día coa confección das alfombras florais. O paseo circular de 4,5 km comezará ás 11:00h. Todo aquel que esté interesado deberá anotarse no 654 99 68 57. A visita ten un custo de 10€ para os maiores e 5€ para os pequenos.
O Xebra! foi inaugurado en 2013 durante as festas patronais. Ano a ano, a axenda da asociación complementou cos seus concertos a programación dos días grandes da vila. Desta volta, o evento chega a unha cifra especial. Celebraranse os doce anos cun cartaz cunha pinchada colectiva das socias e os concertos do dúo punk Pladür e o DJ Signora Anido. A entrada do venres será de 2€ para socias e 3€ para non socias, mentres que a do sábado será de 8 e 10 euros, respectivamente. O local abrirá a partir das 22:30 horas.
