Lugo, 21-07-2013.- A voceira do GPP na Deputación Provincial de Lugo, Elena Candia, vese na obriga de cualificar de “calderilla” a aportación do BNG, -responsable da área de Benestar no ente provincial-, ao mantemento do Servizo de Axuda no Fogar nos concellos da Mariña. Tanto é así que en función da contía que están obrigados a pagar, o bipartito provincial, deixa sen cubrir o 85% do servizo nos concellos da Mariña.
Dunha maneira máis concreta, a voceira do PP explica que dos máis de 1,4 millóns de euros que custa o servizo nos concellos da comarca, a Deputación Provincial de Lugo está a pagar só 217.680 euros. É dicir, un 15% do servizo.
Deste xeito e cos datos concretos que se adxunta abaixo, a popular asegura que o pago de só 15 de cada 100 euros que debe sufragar o ente provincial, non garante o Servizo de Axuda no Fogar na Mariña, e polo tanto, a Deputación Provincial de Lugo incumpre a normativa en servizos sociais.
Análise por municipios
Elena Candia explica que só un concello da Mariña, Viveiro, recibe a mesma cantidade da Deputación, -para arranxar a mala xestión do rexedor-, para gastos correntes, que a percibida por 16 concellos en concepto de Axuda no Fogar.
Porén, a voceira popular explica que esta situación se dá cunha particularidade a maiores. O pago do SAF é de obrigatorio cumprimento por lei, mentres que a subvención excepcional concedida a Viveiro por contía de 210.000 euros é voluntaria e inclusive, segundo matizan dende o Grupo Provincial do PP, de dubidosa legalidade.
Mentres, Candia explica que existen concellos como Barreiros que percibe só un 8% do Servizo de Axuda no Fogar, fronte a outros, é o caso de Riotorto –gobernado polo BNG-, que conta cunha aportación da Deputación do 53%.
Esta situación pon de manifesto a utilización partidista de fondos públicos por parte do ente que dirixe José Ramón Gómez Besteiro, asemade a popular resalta que, tal e como aclaran os datos que se aportan no cadro inferior, as cifras anunciadas nos medios polo BNG son froito dunha interpretación sesgada e malintencionada.
Unha Deputación despreocupada por Benestar
A voceira do PP na Deputación Provincial de Lugo lembra que o benestar non é unha prioridade para o bipartito da Deputación que deixou no 2011 máis de 140.211 sen executar en subvencións nesta área, dentro do Plan Estratéxico de Subvencións.
Asemade, o GPP recórdalle ao bipartito provincial que a lei de servizos sociais foi aprobada polo goberno bipartito no ano 2008 e pretendía dar un novo escenario na regularización dos servizos sociais, para acadar un gran pacto social a favor dos máis desfavorecidos, impoñendo unhas obrigas económicas a todas as administracións.
De igual maneira, O GPP lémbralle a Besteiro que o decreto que perfecciona esta regularización establece que para os concellos de menos de 20.000 habitantes as deputacións provinciais financiarían a maior parte do SAF no Fogar Básico e a contratación de persoal distinto aos traballadores sociais.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
