Santiago, 13 de agosto de 2013.- O voceiro do Mar do Grupo Parlamentario Popular e secretario do Parlamento de Galicia, José Manuel Balseiro, defendeu este martes a imposición de medidas sancionadoras contra as Illas Feroe e Islandia pola sobrepesca de xarda que están a levar a cabo as flotas destes dous países en augas do caladoiro Atlántico Nordeste.
Os populares defenderán no Parlamento galego unha proposición non de lei pola que se demanda á Comisión Europea, aos deputados galegos na Eurocámara e ao Ministerio a continuidade do apoio a esta petición que busca protexer os intereses pesqueiros da flota comunitaria e moi en concreto, os da galega, para a que a xarda é un recurso pesqueiro de gran importancia. Cando teña lugar o debate desta iniciativa no Parlamento galego, esperan contar co voto favorable do resto das forzas políticas galegas: PSOE, AGE e BNG.
Os populares víronse na obriga de demandar estas sancións tras constatar as queixas reiteradas dos profesionais do mar pola conduta de Islandia e as Illas Feroe no que respecta a súa negativa a limitar a súa pesca, porque a súa incumprimento coloca á flota comunitaria nunha posición de desvantaxe.
Balseiro insiste en que non parece moi lóxico que, mentres as flotas comunitarias “están apostando pola sostibilidade pesqueira, de tal xeito que adaptamos as nosas posibilidades de pesca de conformidade cos ditames científicos, co esforzo que esto implica, existan países que unilateralmente renuncien a todo esforzo de conservación e fixen as súas cotas sen ningunha restrición”.
Segundo o voceiro do Mar de persistir nesta actitude, as flotas de Illas Feroe e Islandía estarían a poñer en perigo este stock pesqueiro e o futuro dun sector xa de por si afectado polas restriccións na pesca de determinadas especies de grande interese comercial
SANCIÓNS COMERCIAIS
Balseiro defende que o comportamento inxustificado destes dous países obriga ás autoridades comunitarias a poñer en marcha os mecanismos previstos no regulamento de sancións comerciais. Lembra neste senso que a UE dotouse en setembro de 2012 dun instrumento legal que permite impoñer sancións no caso de que xurdan este tipo de problemas e fallen as negociacións con eses países.
As posibles medidas comerciais que formarían parte das sancións van desde prohibicións á importación ata o bloqueo dos portos da UE para os buques pesqueiros dos países incumpridores.
Tanto o Goberno de España como os Executivos de Francia, Reino Unido e Irlanda veñen de insistir á Unión Europea para que poña en marcha este procedemento sancionador. De feito, esta petición conta xa co visto e prace do Comité de Pesca e Acuicultura e coa posición favorable –neste estadio inicial- da comisaria europea do ramo. A petición do Grupo Popular vai na dirección de que estas sancións se materialicen canto antes en defensa dos intereses pesqueiros de Galicia e do conxunto da Unión Europea.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
