O PP de Mondoñedo denuncia que o equipo de goberno paga como mellora a colocación de pavimentación e lastras na obra do entorno da catedral e despois destrúeos

Mondoñedo, 8 de agosto de 2013- O Partido Popular de Mondoñedo puxo este xoves de manifesto que da análise de certificación da obra do entorno da Catedral, despréndese que se introducen como melloras, erros.

Denuncian os populares que o equipo de goberno de Mondoñedo paga como mellora a colocación de pavimentación e lastras na obra do entorno da catedral e, sen embargo despois destrúeos; actuación que reflicte que compunxan como melloras erros na execución de dita construcción posto que a priori págase a colocación e logo demólense como mellora da obra.

Insisten os populares que este tipo de información xustifica, claramente, a apertura dunha comisión de investigación; algo que o PP leva pedindo dende un primeiro momento.

Os populares lembran que as melloras foron vitais na adxudicación e que quedaron máis de 150.000 euros sen executar e que exemplos como este evidencian o nivel das construcción executadas.

Dende o Grupo Popular reiteran que as deficiencias son claras e evidentes na citada infraestruturas, tal e como vén denunciando dende fai tempo, e engade que nunha obra de tanto diñeiro público non se debe fomentar ningunha dúbida e critican que Orlando González non fose quen de facer un control rigoroso dunha obras que dende un primeiro momento foi rexeitada polos veciños.