Este venres 30 de agosto rematou a súa actividade a ocioteca de verán que organizou a Concellería de Medio Ambiente de Burela. Para poñer fin á mesma houbo unha festa e realizáronse xogos por parte das monitoras de Gaia e dos 15 monitores do curso de animador turístico do centro de formación ocupacional burelés, coordinados pola súa profesora: Beatriz. A festa comezou ás 11 e rematou ás 13:30 horas nas instalacións do Ceip Vista Alegre, onde tivo lugar a ocioteca durante o verán. Os 35 nenos e nenas participaron vestidos con pixamas e xogaron ao paracaídas e á oca con pistas e probas, fixeron manualidades e remataron cun pequeno pincheo e xeados. A concelleira Patricia López Eijo agradece “a colaboración dos pais do alumnado, dos monitores e da súa profesora, e tamén por suposto das monitoras de Gaia, que se encargaron da ocioteca durante todo o verán e ás voluntarias Sonia Fernández e Elisabet Rodríguez, que colaboraron desinteresadamente nesta iniciativa”.
Rematou a ocioteca de verán en Burela
Relacionado
-
Unha saída de vía deixa un home falecido en Castro de Rei
-
O director xeral de Familia, Infancia e Dinamización Demográfica, Jacobo Rey, asistiu este sábado en Burela á celebración do 25º aniversario do centro San Aníbal da entidade Rogacionistas, un exemplo de traballo e dedicación que os sitúa como unha referencia da protección da infancia e da adolescencia na provincia de Lugo
-
O Concello de Vilalba participou na XVI Feira do Indiano e nas XVI Xornadas sobre Migracións Indianas, organizadas pola Asociación Cultural Amigos da Liga Santaballesa co apoio da Deputación de Lugo e do Consello da Cultura Galega
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
