Burela, 5 de setembro de 2013. A Comisión Informativa e de Seguimento do Plano Xeral de Ordenación Municipal (PXOM) de Burela informou favorablemente o documento na súa reunión celebrada no día de hoxe, cos votos favorables do Partido Popular e a abstención do PSOE.
Durante a reunión da Comisión Informativa e de Seguimento, técnicos do equipo redactor, a consultoría OTEA, explicaron polo miúdo o documento que se someterá a aprobación provisional nunha sesión plenaria de carácter extraordinario que o alcalde, José María González Barcia, convocou, logo de rematada a Comisión Informativa, para o vindeiro luns, 9 de setembro, ás 10 da mañá.
O rexedor burelés manifestou que “aínda que os grupos coñecen a documentación, porque se lles entregou coa convocatoria da comisión, a reunión da comisión é preceptiva xa que foi unha comisión creada ‘ad hoc’ para este asunto, e que se disolverá cando se aprobe definitivamente”. Ademais, indicou Barcia “non queremos que haxa o menor ápice de dúbida sobre a tramitación do Plano Xeral de Ordenación Municipal. Non me gustaría que soase a desculpa anticipada, pero a tramitación do mesmo está seguindo de forma escrupulosa os pasos, trámites e prazos que marca a lexislación vixente na materia”.
González Barcia subliñou “a fondura do contido da reunión, os membros asistentes deberían ter unha imaxe exacta do que se proxecta cara ó futuro de Burela, despois da exposición detallada do equipo redactor”.
O alcalde aproveitou para destacar e poñer en valor o traballo de OTEA, a consultoría encargada de desenvolver o documento: “a súa implicación foi absoluta: souberon captar perfectamente o que nós queríamos, souberon plantexar axeitadamente as solucións que se demandaban e estiveron á altura das circunstancias en todo momento cando así se lles demandou”.
O rexedor burelés convocou o pleno, logo do remate da comisión informativa, para o vindeiro luns ás dez da mañán. O pleno será de carácter extraordinario. Barcia manifestou que “igual que traballamos a velocidade de cruceiro durante vinte e un meses, tamén vamos a ritmo de cruceiro agora. Queremos aprobar provisionalmente o PXOM dentro dos prazos que marca a normativa vixente no tocante á convocatoria de comisións informativas e plenos, e por suposto envíalo á Xunta canto antes para que comecen coma tramitación de cara á aprobación definitiva”.
Barcia adiantou que para a semana que ven ten previsto reunirse coa Secretaria Xeral de Urbanismo. “O traballo importante e gordo xa está feito, pero aínda non chegamos á meta. Tal e como fixemos ata agora, seguiremos traballando para que Burela conte cun PXOM moderno e con solucións eficaces ós retos que temos como concello canto antes mellor”, declarou o alcalde burelés.
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
