Burela, 5 de setembro de 2013.- Máis de 400 nenas e nenos de ata 3 anos comezan hoxe o curso nas escolas infantís da rede autonómica A Galiña Azul na comarca da Mariña da provincia de Lugo. A delegada territorial da Xunta participou na xornada inaugural na escola de Burela, onde 108 cativos ocuparán inicialmente as instalacións deste centro, un dos tres máis grandes da provincia dentro da rede da Galiña Azul.
Arias sinalou que a actividade nestes primeiros días de curso está orientada á adaptación ou readaptación dos nenos ao entorno. “Para os primeiros días, estes centros infantís programaron un período de adaptación e irán acollendo progresivamente a incorporación dos pequenos de entre 0 e 3 anos con matrícula nos distintos centros”, expuxo Arias, que estivo acompañada durante a visita polo alcalde de Burela, José María González Barcia, e por varios concelleiros deste municipio.
A delegada territorial significou “o aumento” de prazas neste eido dentro da comarca da Mariña, na que nos últimos catro anos “se pasou de 379 prazas a actual oferta de 481, incrementando con 101 prazas máis a oferta a disposición das familias da comarca con fillos menores de 3 anos”.
Neste inicio de curso, a rede de escolas infantís A Galiña Azul ten unha nova escola precisamente na Mariña, posto que inicia a súa actividade a de Alfoz. En total, son 8 as escolas infantís abertas pertencentes a esta rede sostida pola Xunta de Galicia as que se atopan na Mariña, indicou Arias. Os centros atópanse nos concellos de Foz (2), Alfoz, Burela, Mondoñedo, O Valadouro, Ribadeo e Viveiro.
Prazas sostidas con fondos públicos
Ademáis das escolas da Rede A Galiña Azul que inician agora o curso, a oferta de prazas sostidas con fondos públicos inclúe tamén escolas municipais, de iniciativa social e cheque infantil, conformando unha oferta global de máis de 19.000 prazas no conxunto da comunida, recordou a delegada da Xunta.
A planificación da Consellería de Traballo e Benestar prevé continuar incrementando esa oferta pública durante a presente lexislatura. Así, nos próximos catro anos está previsto crear 3.500 novas prazas, das que 2.000 xa están planificadas, tres delas, na provincia de Lugo.
En canto á actividade neste novo curso nas escolas infantís, na planificación dos primeiros días os profesionais están a ter en conta as características dos nenos e nenas de cada escola, é dicir, se se incorporan por primeira vez ao centro ou se volven dun período de vacacións. A incorporación faise sempre de xeito paulatino comezando cunhas xornadas compartidas cos pais ou nais e incrementando progresivamente o número de horas de asistencia dos pequenos ao centro.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
