Foz, 17 de setembro de 2013. A Xunta, a través do ente público Portos de Galicia, adxudicou a elaboración do plan especial de usos para o porto de Foz. Anunciouno hoxe o alcalde, Javier Jorge Castiñeira, quen destaca que é un paso importante para levar a cabo posteriormente a reorganización desa zona, que se converterá “nun referente náutico recreativo, pesqueiro, comercial e turístico”.
O rexedor municipal manifestou que “desde o Concello de Foz acóllese con moi bo agrado a noticia por parte de Portos de Galicia de que está adxudicado xa o plan especial de usos para o porto de Foz, que é como o plan urbanístico que organizará o espazo portuario en base a unha suxestión que fixo o grupo de goberno no seu momento”. E destacou que “é un paso importante para que administrativamente esa reorganización que propuxemos sexa un feito. Unha vez que teñamos este plan especial de usos o seguinte paso será facer o prego para unha posible concesión público privada”.
Javier Castiñeira tamén explicou que “a empresa ICEACSA será a encargada de realizar este plan especial de usos, para o cal ten 5 semanas dende esta, polo que antes de que entre o mes de novembro estará listo”.
Este é un trámite administrativo necesario para despois levar a cabo a reorganización da zona portuaria e “tanto a Xunta de Galicia como o Concello de Foz consideramos que a mellor opción será unha concesión con eses usos previstos: para náutica recreativa e pesqueira, pero tamén comerciais, de equipamentos e de aparcamentos. Estamos convencidos de que dentro de uns anos será un dos proxectos máis importantes realizados neste concello”, comentou o alcalde, quen tamén salientou que “este equipo de goberno é o primeiro que iniciou estes trámites e, dende logo, o único que está facendo algo para que o porto sexa unha zona dinámica e de creación de actividade e de emprego e no seu momento sexa unha referencia non só para Foz senón para A Mariña na náutica deportiva e tamén no turismo, no comercial e nos equipamentos”.
Castiñeira rematou explicando que o obxectivo é usar “unha zona que actualmente está desaproveitada; esa é a intención deste grupo de goberno e de Portos de Galicia, para o que se están a dar os pasos necesarios para que no seu momento isto sexa unha realidade”.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
