A maxia de Vista Alegre pode convertelo en realidade! A incondicional afección da bomboneira, o seu apoio sen límites, será máis ca nunca o principal alento do Burela FS Pescados Rubén no partido de volta da Supercopa de España 2013. O sábado, ás 20.30 horas, o cadro que abandeira Quico Otero volverá verse as caras co Atlético de Madrid Navalcarnero, despois de caer onte en La Estación por un inxusto 5-1. “Se somos capaces de seguir xerando ocasións, perfeccionando a definición, e mitigamos o seu ataque podemos conseguilo” adiantaba o técnico laranxa, facendo un chamamento á bancada: “Sabemos que é un partido heroico, un partido difícil ante un rival de entidade, pero Vista Alegre xa viviu este resultado a favor ante o Navalcarnero e confiamos en que coa axuda da afección pode volver facerse realidade”.
A escuadra mariñá sufriu un excesivo castigo nun encontro moi intenso no que reinou o equilibrio na pista e no luminoso, cos dous últimos minutos fatídicos para os intereses burelistas. “O noso esgotamento e o seu acerto marcaron o desenlace” asegurou o viveirense. “O partido rompeuse no minuto 38. Ata ese momento tivémolo controlado; quen dispuxo de máis ocasións e máis claras fomos nós; sobraban eses dous minutos nos que non soubemos xogar con cabeza e entregamos o encontro” reflexionaba o adestrador, que incidiu na falta de definición coma o “lastre” do Burela FS.
En Madrid, o tempo do descanso chegou co electrónico inalterable, con excelentes ocasións para as laranxas; Maite soa ante Belén e máis tarde Claudia e Lidia con lanzamentos cruzados. No regreso foi o Atlético, nun potente disparo de media distancia de Ju Delgado, o que puxo distancias, no minuto 22. O Burela FS soubo reaccionar e anotar a igualada, no 27, á saída dun saque de esquina, cun balón raso. No entanto pouco lles durou a alegría ás mariñás, que viron como o Navalcarnero volvía tomar vantaxe aos poucos segundos, transformando Fabi un penalti. Cando máis apostaban as burelás por reequilibrar a contenda, subindo a liña de presión, Natalia poñía o 3-1 (minuto 38). Na recta final, Ju Delgado anotou outros dous tantos, nunha contra e outro en superioridade numérica pola expulsión de Maite.
Venda anticipada
Dende mañá estarán á venda as entradas para o gran duelo do sábado na Tenda Laranxa (De luns a venres: 10.00-14.00//16.00-19.00). Os socios/as laranxas poderán presenciar o gran espectáculo de forma gratuíta. A entrada para NON SOCIOS ADULT@S será de 5 euros. Os menores de idade terán acceso libre.
Ficha técnica
Atlético de Madrid: Belén,Natalia, Anita Luján, Ro e Cris, cinco inicial; tamén xogaron Leti, Fabi, Rocío e Ju Delgado.
Burela FS Pescados Rubén: Patri, Lidia, Peque, Bea e Maite, cinco inicial; tamén xogaron Claudia e Lara
Goles: 1-0, minuto 22, Ju Delgado; 1-1, minuto 27, Peque; 2-1, minuto 27, Fabi; 3-1, minuto 38, Natalia; 4-1, minuto 39, Ju Delgado; 5-1, minuto 40, Ju Delgado
Árbitros: Del Olmo Martínez e Rubio González. Amarillas a Leti e Ju Delgado, por Navalcarnero, e a Lara, Bea e Maite (dobre amarela), por Burela FS
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
