Lugo, 9 de setembro de 2013.- A Consellería de Educación investiu e Ordenación Universitaria investiu nos últimos meses máis de 760.000 euros (762.291,49 euros) na realización de obras de reforma e ampliación orientadas a mellora das dotacións nos centros educativos de titularidade pública da provincia de Lugo que acollen Educación Infantil e Educación Primaria, ciclos nos que comezarán as clases a próxima semana.
Así o destacou a delegada territorial da Xunta na provincia, Raquel Arias, que subliñou “o esforzo económico do Goberno autonómico para mellorar as instalacións dos centros educativos de Lugo e ampliar as dotacións das que dispoñen os alumnos”. Arias asegurou ademais que se seguirá traballando para que “a oferta educativa pública na provincia sexa o máis completa posible, é para iso trabállase para dotar aos centros do equipamento necesario, optimizando os recursos públicos”.
No conxunto da provincia, realizáronse traballos de mellora das instalacións en preto de medio cento de centros de Infantil e Primaria. Así, na zona da Terra Chá, leváronse a cabo, por exemplo, actuacións e melloras subvencionadas pola Xunta de Galicia no CEIP Lagostelle de Guitiriz, no que se procedeu á reforma da instalación eléctrica e a substitución do depósito de gasoil para abastecemento do centro (30.754 euros) e na comarca de Terra de Lemos, entre outras actuacións, investiuse no CEIP Monte Baliño de Pantón levouse a cabo unha reforma dos baños do centro na que se investiu 56.801,60 euros.
Unha actuación semellante a esta última levouse a cabo no CEIP de Palas de Rei, co que se arranxaron os baños da planta baixa do edificio mediante unhas obras financiadas mediante unha achega de 44.942 euros por parte da Consellería de Cultura e Educación. No CEIP Xoan de Requeixo de Chantada e no CPI San Tomé de Carballo (Taboada) melloráronse as instalación de peche de distintas dotacións, mediante achegas de máis de 35.000 euros. Tamén se levou a cabo o peche da zona empregada polos alumnos de Infantil no CEIP Frei Luis de Granada, en Sarria, na que se investiron máis de 9.000 euros.
Actuacións na cidade de Lugo e na comarca da Mariña
Tamén no concello de Lugo se procedeu a reformar e mellorar as instalacións dos centros, e, neste sentido, entre outras actuacións, procedeuse a reformar os baños exteriores do CEIP Manuel Mallo (21.773,51 euros), acondicionouse o comedor do CEIP Anexa (17.189,91 euros) e substituíuse o depósito de gasoil do CEIP A Ponte (11.790,24 euros).
Por último, na comarca da Mariña, o Executivo galego realizou traballos, por exemplo, no CEIP Fondo Nois de Foz, no que se investiu unha dotación de preto de 58.000 euros na instalación dunha nova cuberta para o parque de xogos. Unha dotación semellante empregouse no CEIP Pedro Caselles Rollán, no que a través dos traballos impulsados polo departamento educativo durante o período estival, se está a rematar a substitución da cuberta do edificio no que se substituíron tamén os canalóns e baixantes para a evacuación de augas.
Neste último centro estanse a levar a cabo os últimos retoques, que, segundo a empresa encargada dos traballos, estarán rematados esta mesma semana, sen que interfira no inicio de curso escolar. Deste xeito, ao igual que no centro xovense, a realización das obras advírtese que contribuirá a un inicio de curso 2013-14 que transcorra con normalidade.
A delegada territorial insistiu en que, deste xeito, “a Xunta de Galicia confirma a súa aposta por unha educación de calidade e reforza o seu investimento na provincia de Lugo” para a adaptación e mellora dos centros educativos en equipamento, en normativa eléctrica, seguridade, accesibilidade e salubridade. Neste sentido, Raquel Arias asegurou que “con esta nova proba do compromiso da consellería co interior de Galicia, o obxectivo é que os colexios da provincia de Lugo teñan unhas instalacións de calidade”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
