La Santina celebra a festa na honra á Virxe de Covadonga

O sábado 14 de setembro de 2013 a Asociación “La Santina” de Foz celebra a festa na honra á Virxe de Covadonga, patroa de Asturias. O programa comezará cun pasarrúas a partir das 18.30 horas a cargo do grupo A Subela. Así mesmo, a partir das 19.30 horas o grupo de baile da Subela actuará nos xardíns do porto. Ás 20.00 horas celebrarase unha misa na igrexa parroquial de Foz na honra á Santina cantada pola Coral “Villa Blanca” de Luarca, seguida dun concerto da coral. Ás 21.30 horas realizarase a gran espicha na sala Bahía de Foz con sidra, viño, tortilla, polbo á feira, calamares, xamón asado, mexillóns, empanada, bolo preñado, queixo cabrales, café, etc. A continuación realizarase a entrega do XV Escanciador antes da gran verbena amenizada polo grupo Epo-K. O prezo por persoa será de 22 euros. Os interesados en participar poden reservar nos teléfonos 982 141 480 ou 676 420 971 ata o xoves 12 de setembro.