O pivote laranxa Jorge Matamoros regresou onte a terras mariñás logo do seu exitoso periplo coa Selección Española en Ceuta a comezos de semana. “É un orgullo volver estar entre os elixidos” recoñecía o xogador do CD Burela FS Peixes Rubén.
O madrileño mostrouse pletórico por poder gozar dunha nova oportunidade coa Vermella, no preparatorio do Europeo 2014, co agasallo engadido do dobre triunfo ante Bélxica (5-2 e 8-2): “Despois de case un ano sen estar na selección a noticia chegoume con sorpresa; o traballo que estou realizando en Burela dábame confianza para manter a esperanza de dispoñer doutra oportunidade” explicaba Matamoros, autor do 2-0 no segundo amigable, destacando o “bo sabor de boca co que me reincorporo ao día a día laranxa tanto polos resultados do equipo como pola miña contribución”.
Matamoros só tivo palabras de eloxio para a Selección e os seus compañeiros: “O equipo está repleto de grandísimos xogadores; a calidade do grupo é garantía suficiente para facilitar a incorporación e o traballo de calquera individualidade. Ademais todos nos coñecemos; o compañeirismo que reina entre todos axúdanos e esa relación reflíctese nos bos resultados sobre a pista” relataba o burelista, xa con todos os sentidos depositados na competición de Primeira División: “Agora só penso en seguir traballando e facelo o mellor posible co meu equipo para dar moitas alegrías en liga”. Con respecto ao seu posible futuro con España, Matamoros recoñecía que “será difícil facerse un oco porque José Venancio xa dispón dun grupo feito, pero seguirei traballando porque se tiven esta oportunidade podo gozar de máis”, concluía o pivote.
Foto: LNFS
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
Resultaron gañadores na Categoría SUB 15: Los Reversos. Categoría Sénior: Doloringues. Entregaron as medallas os edís Alfredo Fernández e Adrián Arias. As actividades seguen o martes, 8 de xullo, coas Noites de Fútbol Praia.
Prolongarase ata a primeira semana do mes de setembro “co obxectivo de axudar na conciliación familiar e laboral ao longo de todo o verán”, explica a súa directora, Raquel Hermida. A Escola de Minitalentos, dirixida a nenos e nenas con idades comprendidas entre os 3 e os 12 anos, abre de oito da mañá a tres da tarde: “os asistentes poden incorporarse ás actividades e talleres ao longo da mañá”.
Tirando sempre de creatividade e imaxinación, tamén aproveitaron para saír a mercar froita ao Mercado que se celebra cada xoves na Praza dos Campos. Unha forma tamén de fomentar a alimentación saudable e a aprendizaxe activa.
Trátase dunha homenaxe que as universidades públicas galegas en colaboración coa Consellería de Educación renden ao estudantado con mellores expedientes de Galicia nas probas de acceso á universidade, sendo necesario acadar nota igual ou superior a 8,5 na fase xeral da PAU. O acto celebrouse na Universidade de Vigo o pasado 20 de xuño, onde lles foron entregados os diplomas que os acreditan como alumnado sobresaínte. Dende o IES de Ribadeo, parabéns aos homenaxeados polos resultados acadados e tamén a tódolos compañeiros e compañeiras que superaron a PAU polo esforzo realizado.
