Cervo, 20 de setembro de 2013. O BNG de Cervo apoia as mobilizacións convocadas por nais e pais do alumnado do CEIP de Cervo contra o Decreto de Comedores aprobado pola Xunta de Galiza e que, tal como se prevía, está a provocar un inicio de curso conflitivo en todo o país. Os nacionalistas aseguran que comparten as demandas da ANPA xa que a nova regulamentación de comedores pon en tea de xuízo a igualdade de oportunidades, vulnera o dereito á educación e o deber de estar escolarizado, elimina o dereito ao comedor escolar gratuíto para o alumnado transportado, non cumpre a función compensatoria, nin moito menos social, e penaliza a poboación do medio rural.
O decreto de comedores á un ataque á igualdade de oportunidades e un paso mais no abandono da poboación do medio rural
Para o portavoz municipal nacionalista, Xoán Antón Estúa García, as demandas que levan á ANPA de Cervo a mobilizarse son xustas e procedentes xa que a Consellaría de Educación, neste tema e noutros, camiña en sentido contrario ás necesidades da poboación poñendo cada vez mais dificultades no acceso á educación. O nacionalista criticou que este decreto ademais de ser unha lousa que dificultará a moitas familias o acceso ao servizo por motivos económicos, crea desigualdades ás familias do rural que viven mais lonxe do centro de ensino ao non recibir o estímulo da administración, senón xusto o contrario.
O goberno municipal desenténdese do apoio á educación pública xusto cando mais se precisa
Os nacionalistas lembran que o Partido Popular coa súa maioría absoluta impediu en maio deste ano que prosperara unha iniciativa no pleno de Cervo para rexeitar este decreto e negouse en reiteradas ocasións a recuperar o sistema de préstamo de libros en Cervo que funcionou con éxito durante anos no concello de Cervo co apoio da administración local.
As medidas aprobadas polo PP contra o ensino público son de contido ideolóxico, non por razóns económicas.
Este Decreto, xa no seu período de elaboración contou co rexeitamento do Consello Escolar de Galiza e da Plataforma Galega en Defensa do Ensino Público, ademais de todas as forzas sindicais e de oposición no arco parlamentario galego. Estúa afirmou que “isto é un recorte ideolóxico e non é problema económico xa que ao tempo que dende Educación se fan recortes no ensino público hai unha aposta permanente polo privado e relixioso subvencionando con mais de tres millóns de euros a centros que segregan alumnado por razón de xénero ou 240 millóns ao ensino privado concertado”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
