Lugo, 20 de setembro de 2013.- A voceira do Grupo Provincial Popular na Deputación de Lugo, Elena Candia, presentou este venres en rolda de prensa e acompañada dos coordinadores sectoriais do PP, unha iniciativa que defenderá na próxima sesión plenaria do ente e na que os populares piden a creación dun plan de emprego a nivel provincial.
A voceira do Grupo Provincial do PP explicou que esta moción nace co propósito de impulsar iniciativas que dean solucións ao problema do desemprego co obxecto de axudar aos veciños que están sen traballo, baseándose sempre, na garantía dos principios de libre concorrencia; e máis tendo en conta que se dispón de fondos para levalo a cabo.
A popular explicou que o seu grupo non chega a entender como o presidente da Deputación Provincial de Lugo, José Ramón Gómez Besteiro, non chegou a poñer en marcha este plan cando dispón da dotación orzamentaria para facelo, e refiren, por exemplo, a partida Fomento para o Emprego con 4.011.942,66 euros.
Neste senso, o GPP censura que a Deputación non optimice os fondos para impulsar postos de traballo, deixando en remanentes de crédito no 2012 ( comprometidos e non comprometidos), máis de 4,7 millóns de euros destinados a crear emprego. Dunha maneira máis concreta, os populares explican que destes 4,7 millóns de euros, máis da metade (2,7 millóns); nin tan sequera se comprometeron cun terceiro para a realización do seu gasto.
Xeración de emprego estable
Elena Candia matizou que na proposta dacordo da iniciativa plenaria recóllese que este plan debe reunir dous requisitos, por un lado, o de ter vocación de continuidade no tempo e polo tanto xerar emprego estable; mentres que polo outro, a proposta deberá sustentarse nos sectores estratéxicos e con futuro da provincia.
Desta forma, dende o GPP explicaron que tentan conseguir que esta proposta de plan se centre nas verdadeiras demandas do mercado laboral e que teñan repercusión no tempo, sen repetirse circunstancias como as dadas con outros plans promovidos polo actual goberno da Deputación Provincial en épocas electorais.
De igual maneira, os populares tamén piden na súa moción a creación dunha comisión de traballo para o deseño deste plan, onde teñan presenza todos os concellos da provincia, respectando sempre o principio de autonomía local, e na que tamén participen representantes dos sectores produtivos da provincia.
Con esta proposta, os 12 deputados do PP, dunha corporación de 25, convértense nunha clara alternativa de goberno que plantexa propostas concretas e clara que dan resposta ás demandas dos veciños.
O voto en contra mostraría que as promesas quedan en papel mollado
O Grupo Provincial do Partido Popular explicou que non sería entendible o voto en contra desta moción, feito que argumentan en varios puntos. Neste senso, Elena Candia afirmou que o desemprego se converteu na principal preocupación dos cidadáns, e a tendencia a baixa no paro rexistrado débese incentivar dende as administracións públicas e crear así oportunidades nos máis de 25.000 lucenses que buscan emprego.
Así, a popular engadiu que as promesas do presidente provincial no seu discurso de investidura pasan por xerar emprego, polo que o voto en contra desta proposta só poñería de manifesto a un responsable institucional cuxos compromisos se quedan no papel, sen levar á practica.
O partidismo non beneficia aos lucenses
Mentres, lamentan dende o GPP, a Deputación de Lugo por razóns meramente políticas desaproveita oportunidades como a firma dun convenio coa Xunta de Galicia para a contratación de traballadores e traballadoras desempregadas, e que si sacaron adiante as restantes deputacións galegas.
Neste senso, os populares exemplifican outros plans promovidos por outras administracións provinciais durante o 2013, como é a caso de Pontevedra, que beneficia a 2.500 contratados e conta con investimentos de entorno aos 20 millóns de euros.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
