Foz, 25 de setembro de 2013. O goberno municipal de Foz presentará no pleno que se celebrará este xoves unha moción de urxencia para que a corporación acorde solicitar á Xunta de Galicia e a Deputación de Lugo achegas de 40.000 euros para o Castro de Lelle, que é o investimento que fará o Ministerio de Cultura. O alcalde, o popular Javier Jorge Castiñeira, critica ao organismo provincial porque non atende as súas chamadas para falar deste asunto.
O rexedor explicou que o obxectivo da moción de urxencia é que “todas as administracións competentes apoien do mesmo xeito o financiamento para a protección do Castro de Lelle, de San Martiño de Mondoñedo. É un castro de vital importancia, que se mantén nunhas condicións bastante boas e o Concello entende que debe ser un punto de xeración de turismo, ao estar moi cerca da basílica de San Martiño. Ata agora o que conseguiu o goberno local é que precisamente dúas das administracións competentes, tanto a Xunta de Galicia como o Ministerio de Educación e Cultura, teñan comprometidos uns investimentos: no caso do Ministerio son 40.000 euros para a compra dos terreos, cantidade que non chegaría; e a Xunta de Galicia farase cargo da posta en valor unha vez que os terreos sexan municipais. A única administración que non foi capaz nin sequera de recibir ao alcalde, nin de informar nin de tomar unha soa decisión é a Deputación de Lugo, que precisamente é administración que máis competencias ten neste sentido. Polo tanto ímoslle pedir á Deputación de Lugo que faga o mesmo esforzo que as demais cun investimento neste castro, que reciba ao goberno do Concello de Foz e que trate do mesmo xeito aos cidadáns de Foz que ao resto”.
Javier Castiñeira critica “ao propio vicepresidente da Deputación de Lugo, Antón Veiga, pola falla de respecto que está tendo con este Concello. Aqueles que alardean de protexer o patrimonio galego e a cultura son os que de forma sectaria no reciben ao Concello de Foz para informalos de que existe un castro importante e que queremos conservalo para que forme parte do patrimonio de Foz e de Lugo. Cremos que hai motivos políticos sen ningunha razón, que son os que están levando á Deputación de Lugo a non recibir a documentación por parte do Concello de Foz. Creo que o señor Veiga está sendo unha marioneta dos seus asesores, concretamente do señor Moncho Ermida, que realmente entendemos que está sendo o verdadeiro escollo e obstáculo para que o vicepresidente da Deputación de Lugo reciba ao representante dos veciños de Foz”.
“Imos intentar que os grupos municipais apoien esta moción polo ben do patrimonio de Foz. Espero que así o fagan e tamén que a Deputación teña a ben apoiarnos na mesma medida e do mesmo xeito que o están a facer o resto das administracións”, rematou o alcalde.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
