O Valadouro, 06 de setembro de 2013.- O Grupo Municipal do Partido Popular asegurou hoxe que os veciños do Valadouro están a verse na obriga de pagar os “caprichos particulares” da tenente de alcalde e edil de Udival, María José Fernández. Fan pública esta denuncia logo de comprobar que unha empresa privada presentou, a cargo do Concello, unha factura por valor de preto de 1.000 euros (924,5€) polos traballos realizados para que María José Fernández “puidera colocar a terraza do establecemento hostaleiro que rexenta no lugar que máis lle conviña”.
O PP explica que as obras, “que terán que pagar todos os veciños”, consistiron na eliminación na beirarrúa dun paso rebaixado para minusválidos e no borrado –mediante o seu pintado en negro- da metade dun paso de peóns. Ambas actuacións tiñan por obxecto, insisten desde o PP, acondicionar este espazo público para deixalo ao gusto de María José Fernández e da súa cafetería.
NOVA IRREGULARIDADE
Os populares do Valadouro alertan dunha nova irregularidade que afecta a a terraza, que xa no pasado provocou as queixas dos veciños das que se fixeron eco desde o Partido Popular, logo de que todo o mundo puidera comprobar como a primeira instalación da terraza incumpría a ordenanza municipal vixente que é de obrigado cumprimento para o conxunto dos veciños. Daquela as denuncias do PP non serviron –que se teña coñecemento- para que se sancionara á tenente alcalde, pero si, obrigáronlle a corrixir as deficiencias. Unha vez máis é posible que esta terraza sexa obxecto de polémica ante a gravidade da nova denuncia efectuada polo PP.
INTERWSW PARTICULAR
Os populares non entenden como é posible que unha obra “de interese e utilidade particular” da concelleira de Udival “teña que pagala o Concello”, e tampouco que se contrate a unha empresa privada para realizar estes traballos “cando no Concello hai persoal –traballadores de albanelería- que poderían realizar estas obras”.
En todo caso, denuncian o “uso interesado” que está a realizar a edil de Udival dos recursos municipais, e sinalan unha vez máis que María José Fernández “se cre por riba do ben e do mal”.
QUE O ALCALDE ACTÚE
Finalmente instan ao alcalde a que teña a valentía de actuar e non permitir as continuas extralimitacións da súa número dous, evitando que o Concello pague esta obra e, sobre todo, realizando as xestións que estime necesarias para sancionar este tipo de condutas, “xa que –conclúen- non se pode facer un uso interesado e persoal dos recursos públicos que con esforzo pagan todos os veciños a través dos impostos.”
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
