A A.C. Arrincadeira, coa colaboración da Vicepresidencia Primeira da Deputación de Lugo e o Concello de Riotorto, organiza un ciclo de teatro que se desenvolverá no Salón de Actos do Centro Socio-Cultural de Riotorto ao longo de catro xornadas nos vindeiros dous meses. O sábado 21 de setembro ás 21:00 horas, a Biblioteca Municipal de Antas porá en escena “A vida de Brain”; mentres que o venres 27 ás 21:30 horas, será Os Quinquilláns os que acheguen a obra de Vidal Bolaño a través da representación de “O Capricho Do Teatro”. Do Miolo e Cía representarán a peza “Non son d’aco” o sábado 26 de outubro a partir das 21.00 horas e, clausurarán o ciclo, Xoldra de Mondoñedo o sábado 16 de novembro ás 21.00 horas con “Fonda Lurditas”.
Teatro en Riotorto con Arrincadeira
Relacionado
-
María José Gómez asiste á ofrenda da Virxe dos Remedios
-
Unha saída de vía deixa un home falecido en Castro de Rei
-
O director xeral de Familia, Infancia e Dinamización Demográfica, Jacobo Rey, asistiu este sábado en Burela á celebración do 25º aniversario do centro San Aníbal da entidade Rogacionistas, un exemplo de traballo e dedicación que os sitúa como unha referencia da protección da infancia e da adolescencia na provincia de Lugo
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
