A Deputación organizou este martes en Viveiro, a través do programa europeo Lug02, unha nova masterclass de cociña en impulso dos produtos autóctonos. Nesta ocasión a sesión, que tivo lugar no Restaurante Panorámico, estivo dirixida polo chef Raúl Sanz e dedicada ós produtos da Mariña. O Deputado de Economía do Coñecemento, Emprendedores e Innovación, Alfredo Llano, sumouse á iniciativa, que busca potenciar a comercialización e o consumo dos produtos propios da provincia, mostrando a súa variedade, calidade e todas as súas posibilidades culinarias.
Os participantes nesta iniciativa prepararon pratos baseados en alimentos do mar e da matanza cun toque creativo. O menú cociñado incluíu aperitivos de piruletas ó allo con algas, milfollas de polbo e patacas, e marmelo con chourizo; uns pratos principais a base de gambas, polbo, salmón, ourizos, pescada e presa de porco, e unha sobremesa de chocolate negro con crema de queixo do Cebreiro.
As masterclass melloran a comercialización dos produtos autóctonos ó amosarlles ós cociñeiros e hostaleiros todas as posibilidades culinarias dos alimentos propios da provincia. A iniciativa enmárcase dentro da aposta da Deputación pola economía medioambiental como oportunidade de futuro para a provincia, capaz de xerar riqueza a través dos recursos naturais. O organismo provincial desenvolve numerosas iniciativas, ó amparo do programa europeo Lug02, para impulsar os produtos autóctonos, como as marcas de calidade LugoSabe e Lug02, ou a primeira plataforma de comercio electrónico da provincia (www.losproductosdelugo.com), creada pola Deputación co fin de xerar imaxe de marca e abrir novas canles de comercialización para PEMES e autónomos lucenses.
Próxima cita en Foz
Polo momento xa se desenvolveron masterclass en localidades como Monforte, O Valadouro, Cervantes e Chantada e en todas se empregaron produtos propios de cada zona fomentando así a cociña de proximidade. As xornadas están dirixidas principalmente a profesionais hostaleiros e estudantes do ramo, aínda que tamén poden participar veciños en xeral. A próxima cita celebrarase no restaurante Xoíña en Foz, o mércores 6 de novembro ás 17:00 horas. As prazas son limitadas para favorecer a aprendizaxe e os interesados poden inscribirse no correo lugo2@deputacionlugo.org ou no teléfono 982-22-13-47.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
