Lugo, 29 de outubro de 2013. A delegada territorial, Raquel Arias, explicou este martes que a Consellería de Traballo e Benestar investiu 2,2 millóns de euros para contratar a 374 traballadores desempregados nos municipios da provincia a través dos Programas de cooperación. A través deste plan, a Xunta sufraga os custos salariais das persoas empregadas e son os concellos os que propoñen e realizan os contratos, segundo as súas necesidades.
Arias sinalou que a Xunta prioriza a contratación de persoal para os servizos sociais e de emerxencias dos concellos. De feito, afirmou, “grazas a este programa os concellos poden ofertar servizos que doutro xeito serían moi difíciles de asumir pola administración local”. Neste sentido, engadiu que a Xunta “é a única administración que axuda aos concellos para a contratación dos socorristas”, sufragando este ano os salarios de 112 profesionais encargados da vixilancia e salvamento en praias e piscinas, 84 deles nos arenais da Mariña.
Así mesmo, moitos concellos dependen destas axudas para engrosar as brigadas dedicadas ao acondicionamento e mellora de espazos e bens públicos, que atenden a tarefas que van dende a limpeza de edificios e rúas ata o coidado de áreas fluviais e recreativas ou o desbroce de pistas e camiños. Tamén destinan un bo número destes contratos a atender servizos relacionados co ocio, a cultura e o turismo.
Algunhas das contratacións que se subvencionan están destinadas á incorporación laboral de mulleres vítimas de violencia de xénero, que teñen prioridade absoluta para acceder aos postos de traballo xerados mediante os Programas de Cooperación.
A delegada tachou de “lamentable e sorprendente” que “á vista das vantaxes que ten este plan, a Deputación de Lugo rexeitara asinar o convenio que facilitaría un posto de traballo a 50 persoas desempregadas en Lugo durante un período de medio ano”.
A delegada lembrou que a Consellería de Traballo e Benestar propuxo ás catro deputacións galegas un acordo para colaborar tanto no relativo aos servizos sociais comunitarios como ás políticas activas de emprego. As demais asinaron o convenio e puxeron en marcha iniciativas neste sentido.
“Como sempre -destacou Arias-, a Deputación de Lugo negouse a colaborar coa Xunta e non asinou o convenio. Isto paréceme lamentable, e non deixa de resultar unha mostra de deixadez e un exemplo irresponsable da Deputación de Lugo, que por cuestións meramente ideolóxicas négase a aceptar un convenio para promover o emprego para persoas sen traballo en Lugo”.
Ante a negativa da Deputación, a Xunta asumiu a xestión íntegra do plan porque “non iamos consentir que pola súa irresponsabilidade quedase a provincia sen estes recursos”, segundo asegurou a delegada.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
