Lourenzá acolleu a IV Carreira Popular Val das Fabas no marco da celebración da Festa da Faba este sábado 5 de outubro que contou con 126 inscritos na categoría absoluta cunha alta participación de atletas mariñáns; pero tamén asturianos e do resto da comunidade galega.
José Manuel González Castrillón, do club Atletismo Occidente-Navia, fíxose coa vitoria nesta proba –marcando tamén o mellor tempo na categoría Veteranos A, onde o seu compañeiro Bernardo Ginzo acadou a segunda posición absoluta e a primeira na categoría Sénior. Jesús Rego, do club Lucus Caixa Rural Galega, completa o podio da categoría absoluta ao facerse coa primeira posición na categoría veteranos B.
O mellor clasificado nas E.D. Lourenzá Mondoñedo foi Manuel Folgueira Díaz, décimo cuarto na xeral; mentres que Marcos Rodríguez Díaz se fixo coa trixésimo primeira posición e José Carlos Díaz, coa trixésimo novena; completando o cadro de destacados das Escolas Deportivas locais.
Pola súa banda, na categoría feminina fíxose coa vitoria Noemí Moral Navazo, do club Monte Segade; que participaba tamén na categoría Veteranos A. Felicidad López, primeira Sénior alcanzou tamén a segunda posición na xeral por diante da cadete Bárbara Argüelles Acebedo.
Marisa Ares Reigosa marcou a sétima mellor posición na xeral e o mellor resultado entre as mulleres das E.D. Lourenzá Mondoñedo por diante da compañeira cadete Xana Rodríguez, décimo cuarta.
Por categorías, na cadete foi o vilalbés Antonio Souto o mellor clasificado por diante de Aarón Rivas e Álex López; mentres que entre as rapazas foi Bárbara Argüelles a que logrou subirse ao máis alto do podio seguida de Carmen López e Lara Domínguez.
A vitoria en infantil masculino foi para Lucas Lorenzo, do Lucus Caixa Rural. Adnan Itrih e Diego Rivas, das E.D. Lourenzá Mondoñedo completaron o podio. Na mesma categoría, Lidia Barrera das escolas deportivas locais subíase ao máis alto do podio feminino.
En alevín masculino, os atletas locais ocuparon as tres escadas do podio: Aleix Díaz, Nicolás Álvarez e Mario Pardo. Do mesmo xeito, Ana Vallines e Ainara Rodríguez lograron a primeira e segunda posición da categoría feminina, respectivamente.
O lugués Diego Rodríguez foi o mellor clasificado na proba da categoría benxamín masculino onde Manuel Rodríguez alcanzou a terceira praza. Valeria Álvarez e Diana Lastra, foron primeira e terceira, respectivamente, entre as rapazas.
Izan Rivas e Iria Rodríguez marcaron o segundo mellor tempo en prebenxamín masculino e feminino, respectivamente. E, na categoría pitufos Sergio García logrou a vitoria da categoría masculina; mentres que na feminina, Sara Khaled e Sheila López marcaron os dous mellores tempos da feminina.
Os vencedores da carreira absoluta, José Manuel González Castrillón e Noemí Moral, fixéronse con 100 euros en vales de compra para material deportivo; ademais dos premios en fabas que outorgaba a organización para os tres primeiros clasificados e clasificadas de cada categoría.
Así mesmo, o laurentino Siro Maseda recibiu un premio especial por parteo do Concello con motivo da súa participación nunha proba de 160 quilómetros polo Mont Blanc.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
