O Presidente da Deputación de Lugo, José Ramón Gómez Besteiro, participou este domingo no Acto de Homenaxe e Dignificación das Vítimas do Franquismo, que tivo lugar en Montecubeiro, no Concello de Castroverde, onde no 1936 foron asasinadas 15 persoas. Gómez Besteiro reclamou que se tipifique como delito no Código Penal a apoloxía do franquismo e calquera manifestación lesiva á dignidade dos represaliados e vítimas, e que se cumpra a Lei de Memoria Histórica.
O titular provincial salientou que “hoxe escandalizámonos das limpezas étnicas que están a suceder no mundo, pero non podemos esquecer que o réxime franquista levou adiante unha limpeza ideolóxica. As vítimas do terror do franquismo requiren o noso recoñecemento e o noso agradecemento explícito por defender os valores da liberdade, da ética, da igualdade, da solidariedade, da democracia. Pero cando dicimos e defendemos isto, a dereita adoita dicir que o franquismo é pasado, que hai que mirar ó futuro e atender problemas máis urxentes. Pero en absoluto é así”.
“Nun momento de profunda crise económica e social, con declaracións e accións de algúns que intentan deslixitimar a política, é mais urxente que nunca mirar para a verdade do noso pasado, para a verdade das vítimas, porque vivimos tempos proclives a ideas totalitarias, a populismos, a intentos de baleirar de contido o réxime democrático”, engadiu o Presidente.
Gómez Besteiro asegurou que “unha mínima lectura da historia e un mínimo análise de acontecementos recentes, o demostra. Os mesmos que hai pouco dicían que o franquismo era cousa do pasado, que falar del non interesaba a ninguén, que se dividía España e que era perigoso reabrir feridas, agora están enarbolando símbolos fascistas sen pudor, fan declaracións, incluso cargos públicos, a favor do franquismo e mesmo denigran as vítimas con total impunidade. Isto é un xogo moi perigoso que é necesario atallar contundentemente con todos os recursos que dá a democracia”.
“Condena sen paliativos”
“Non se pode ser tibio con estes feitos, nin admitir tibieza na condena do franquismo como algúns fan. Non serven eufemismos como condenar a violencia. É necesario esixir unha condena sen paliativos, clara e explícita do réxime franquista e dos seus crimes, como o están a facer organismos internacionais de primeira importancia: a ONU, o Parlamento Europeo e o Consello de Europa”, aseverou o mandatario provincial. Deste xeito, reclamou que “se tipifique como delito no Código Penal a apoloxía do franquismo e calquera manifestación lesiva á dignidade dos represaliados e vítimas, tal como aprobamos en Pleno o goberno da Deputación de Lugo. En Francia, en Alemaña ou en Italia, a exhibición de símbolos fascista é un delito, aquí non. Esta mesma semana o partido que sustenta o goberno de España bloqueaba en solitario no Congreso que a apoloxía do franquismo sexa delito. É inadmisible”.
Do mesmo xeito, Gómez Besteiro asegurou que “tampouco podemos admitir que o goberno incumpra de forma sistemática e absoluta a Lei de Memoria Histórica, deixando ás familias das vítimas e as asociacións de Memoria Histórica abandonadas e facendo que os restos dos miles de represaliados e asasinados fiquen nas cunetas e nas fosas sen poder ser exhumados nin honrados como merecen. Todas estas actitudes menoscaban a calidade da política do noso país. Debémosllo a todos os homes e mulleres que hoxe estamos lembrando e homenaxeando, os que loitaron e padeceron para defender a democracia. Non podemos permitir que morran outra vez”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
