O Consello Local do BNG cualifica como “unha enorme perda para Burela e para todos os galegos e galegas, a saída do torques e de toda a colección de ourivería castrexa do Museo Provincial de Lugo e rexeita o cinismo e a demagoxia do PP neste asunto, desviando a atención para tentar ocultar que eles foron os responsábeis directos da situación á que se chegou a día de hoxe”.
O pasado día 24, a familia Álvaro Gil procedeu ao levantamento do legado que o filántropo lucense depositou no seu día no Museo Provincial para que estas xoias do noso patrimonio arqueolóxico fosen expostas publicamente e para que estivesen custodiadas nunhas condicións axeitadas que asegurasen a súa correcta conservación.
Desde o BNG de Burela somos coñecedores do grandísimo esforzo que se fixo desde a Área de Cultura da Deputación de Lugo nestes últimos meses e lamentamos que non fose posíbel chegar a un acordo coa familia ao non aceptaren a proposta de adquisición apresentada pola Deputación. O patrimonio arqueolóxico é un ben cultural de interese xeral que debe estar por enriba de intereses económicos particulares e nese sentido, cremos que non se xustifican as esixencias dos herdeiros de Álvaro Gil. Lamentamos que finalmente optasen por retirar as pezas do Museo Provincial para levalas fóra da Galiza, sen ter en conta o esforzo feito pola Área de Cultura e a enorme perda que iso supón para todas e todos os lucenses.
O torques de Burela e demais pezas de ourivería castrexa teñen un importante valor cultural e identitario para todos os galegos e galegas, especialmente para os veciños e veciñas de Burela e de toda a provincia, que senten como súa esta peza arqueolóxica. O torques de Burela é o de maiores dimensións atopado até o momento na Galiza e por ese motivo debe estar exposto ao público de forma permanente como estivo até agora, e non na caixa forte dun banco madrileño.
Por outra banda, consideramos completamente errada e irresponsábel a postura que está a manter o PP de Burela a este repecto, co Sr. Barcia á cabeza, tentando capitalizar este asunto con claros intereses partidistas. Unha vez máis, o PP está a manter un discurso demagóxico e xogando ao engano para culpabilizar aos demais dos seus propios erros. O Partido Popular non está lexitimado para esixir responsabilidade política algunha, pois non hai que esquecer que o litixio se iniciou hai 14 anos, baixo o Goberno de Cacharro Pardo, sendo incapaces de xestionar este asunto pola vía do diálogo e deixando unha herdanza envelenada ao actual Goberno Provincial.
O que non din o Sr. Barcia e a Sra. Candia é que o propio Grupo Provincial do PP acordou en pleno, xunto aos demais grupos políticos, dar o seu apoio á Deputación Provincial para que exercese todas as accións legais oportunas para manter as pezas no Museo. No canto botar balóns fóra, o que debera facer o Sr. González Barcia é trasladar o seu apoio á Deputación e preocuparse máis polo estado no que se encontra o patrimonio artístico e arqueolóxico en Burela, e deixar de chamar a atención en Lugo sobre aspectos que descoida no seu propio concello. A día de hoxe non sabemos absolutamente nada sobre o hipocausto de Castrelo e as pinturas murais da Vila do Medio continúan esmorecendo sen que desde o Concello se tome ningún tipo de medida que aseguren a súa conservación. O propio alcalde, sendo fiel ao seu particular estilo de atender as propostas e demandas dos nosos vecinos e veciñas, rexeitou incluír nos asuntos do pleno a proposta formulada polo Colectivo Buril para apoiar a declaración das pinturas da Vila do Medio como Ben de Interese Cultural. Esta é a forma de entender a defensa do patrimonio do Sr. Barcia, culpando aos demais de erros que non cometeron e ollando para outro lado mentres o patrimonio de Burela esmorece ante o pasotismo dun Goberno Municipal totalmente irresponsábel.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
