Burela, 5 de outubro de 2013. A concelleira de Servizos Sociais, Muller, Igualdade e Sanidade, Diana Durán, amósase moi satisfeita tras as subvencións concedidas pola Xunta de Galicia ao Centro de Información ás Mulleres e á Aula Junior. En total as achegas suman máis de 51.000 euros.
A edil popular sinalou que “do orzamento total solicitado para o desenvolvemento da Aula Junior (7.787 euros) foinos concedido o 80%, o que supón 6.222 euros. Para o funcionamento do CIM a subvención que recibimos ascende a 45.000 euros, que é o máximo ao que se pode optar, igualándonos a nivel galego a outros CIM de grandes cidades como son A Coruña, Ourense e Vigo e a nivel provincial a Lugo”.
Durán manifestou que “a concesión destas axudas que suman 51.222 euros supón a garantía da continuidade do CIM, así coma do programa Aula Junior. Pensamos que é a recompensa ao traballo desenvolvido a través do CIM de cara á promoción da igualdade”. A concelleira de Servizos Sociais lembrou que “a Aula Junior é un programa encadrado dentro da promoción da igualdade entre mulleres e homes e de prevención e tratamento integral da violencia de xénero”.
A edil Diana Durán subliña que “o CIM de Burela é o máis destacado da provincia de Lugo, tanto polas prestacións que ofrece, coma pola cantidade de demandas atendidas e a calidade na atención dos profesionais que o conforman. Así o demostrou a puntuación acadada para optar á subvención que a Secretaría Xeral da Igualdade da Xunta convocou para este 2013. Concretamente, no proxecto presentado especificábanse, entre outros, as áreas nas que se traballa, o número e o tipo de consultas que se atenderon e as profesionais adscritas a este servizo. A puntuación obtida deu lugar a que o CIM de Burela perciba o 100% do total a solicitar, concretamente, 45.000 euros”.
A concelleira de Servizos Sociais aludiu “ao bo funcionamento do CIM e á cantidade de mulleres atendidas no mesmo, non só de Burela, senón tamén doutros concellos veciños que non dispoñen deste servizo”. A edil recorda que “se atenden áreas coma a xurídica, orientación profesional, emprego, recursos, información sobre axudas que ofrece a Secretaría Xeral de Igualdade, atención psicolóxica e outras”. Durán eloxia o traballo das profesionais do CIM de Burela “que fai que sexa o cabeceira da provincia. Esta subvención recibida garante a continuidade das tres profesionais que conforman o centro: asesora xurídica, psicóloga e administrativa e tamén conta cun servizo de teletraducción, que comezou a funcionar en agosto de 2012 e que segue en activo”.
A edil popular lembrou que “hoxe en día cada vez máis se está a destapar a problemática de discriminación e violencia de xénero que as mulleres veñen sufrindo ao longo da historia da humanidade, e querémoslle recordar a todas as mulleres mariñanas que teñen á súa disposición no Concello de Burela un Centro de Información ás Mulleres, que é un servizo pensado para apoiar á muller, proporcionándolle toda a información necesaria para solucionar o problema ou problemas que estea a padecer”.
Sobre a Aula Junior Diana Durán indicou que “é un espazo educativo que se creou en febreiro de 2013, co fin de dar cobertura ás familias de nenos e nenas de idades comprendidas entre os 0 e os 3 anos, querendo así acompañar ás nais e pais na súa labor de educadores/as e axudarlles a resolver calquera dúbida que se lles presente na crianza dos seus fillos e fillas, cumprindo co compromiso deste goberno local que prioriza en todo momento os Servizos Sociais en todos os seus ámbitos en xeral e, en particular, naqueles colectivos con necesidades específicas. Como consecuencia, foron moitas as familias que formularon esta necesidade no Concello de Burela, entendendo desde a administración local e, concretamente, desde o Concellería de Servizos Sociais, Muller e Igualdade que co nacemento deste novo programa, precisamente axúdase a estas familias a exercer o seu rol parental de forma responsable, favorecendo a coeducación e desenvolvendo actividades dirixidas á poboación infantil no ámbito da familia, tal e como se recolle dentro das accións do III Plan de Igualdade de Oportunidades entre Mulleres e Homes do Concello de Burela na área de actuación 4: educación e formación”.
A responsable de Servizos Sociais explicou que “Aula Junior é un programa baseado na necesidade que se pretende cubrir de cara á coeducación e ao ámbito familiar a través das actuacións que desenvolve, apoiado nos datos relativos á realidade que presenta Burela, pois non debemos esquecernos que estamos ante un dos concellos con poboación mais nova de todo o territorio de Galicia, xa que do total da poboación (9.653 habitantes), o 15’65% pertence a mozos e mozas en minoría de idade, dos cales o 17’86% son nenos e nenas de 0 a 3 anos”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
