Coa inauguración, en Cervo, do complexo residencial para persoas con enfermidade mental, o primeiro destas características da nosa comarca -e o cuarto en toda Galicia-A Mariña disporá dun novo servizo de benestar chamado a ofrecer unha atención de calidade para os seus futuros usuarios.
A súa apertura é a mellor testemuña do compromiso dun gran número de persoas, entidades e de administracións, precisamente na semana na que se celebra o Día Mundial da Saúde Mental. Xornada, na que poñemos en valor os esforzos daqueles que traballaban por un fin común: a promoción da saúde psíquica e a difusión das reivindicacións e necesidades das persoas con enfermidade mental e dos seus familiares.
Por iso, non sería xusto felicitarse pola apertura deste centro sen facer un recoñecemento expreso á directiva e ao conxunto de persoas que integran a Asociación de Axuda ao Enfermo Mental “A Mariña”, auténticos promotores, alma e corazón, deste ambicioso proxecto que tan ben fará aos seus usuarios.
Son todas estas familias, nas que hai unha persoa con necesidades especiais, os principais protagonistas deste esforzo colectivo, os primeiros na liña da nosa felicitación e admiración: polos seus esforzos no ámbito da protección social, pola súa entrega abnegada, por demostrar que o valor do cariño e dun esforzado traballo diario ten ao final a súa recompensa.
Ás 75 prazas da nova residencia de Cervo, nas que a Xunta investiu 670.000 euros debemos engadir tamén outras moitos apoios nos que vén traballando o Goberno galego, nun ámbito, o do benestar no que, a pesar das dificultades propias da crise ou quizá precisamente por elas, hai que seguir realizando un esforzo especial, xa que sempre hai novas necesidades.
A nova escola infantil de Burela, o proxecto para a construción dunha residencia e centro de día en Foz, o centro de formación ocupacional de Eu Son, as iniciativas de COGAMI, a residencia de Viveiro e outros moitos compromisos que van tomando forma noutros concellos son o camiño a seguir.
Unha senda, a de multiplicar as infraestruturas de benestar nas que xa ten dado pasos o Goberno de Feijóo que, na época de maior dificultade, suma no seu haber nos últimos catro anos máis de 2.800 prazas públicas postas a disposición dos galegos, en residencias e centros de día… Un incremento do 42% con respecto ás prazas existentes en 2009. Só na nosa provincia, creáronse máis de 500 prazas para maiores desde 2009, un 35% máis das que existían nesa data. Por eles, polas súas familias, o Goberno galego ten que seguir esforzándose estando ao carón dos que máis o necesitan.
José Manuel Balseiro Orol
Secretario do Parlamento de Galicia
Na presentación participaron o delegado territorial Javier Arias e o deputado de Rural Daniel García, que puxeron en valor a tradición e o traballo das filloeiras. A organización prevé poñer á venda 18.000 filloas, incluíndo opcións sen glute, e o recinto feiral acollerá artesanía, música, obradoiros e a entrega dos premios do concurso escolar. O xornalista David Valverde Cabaleiro será o pregoeiro. A Vicepresidencia da Deputación colabora coa actuación de Nubeiro e cunha degustación de xamón de porco celta a través do programa Un Gusto de Rural. Arredor de 150 persoas participarán na organización ao longo da xornada.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
