A Deputación de Lugo levará o Barco Muralla a ducias de colexios de toda a provincia para que centos de alumnos de educación primaria coñezan un pouco máis acerca do patrimonio natural e cultural lucense. Esta orixinal aula recalará en numerosos centros escolares durante os meses de outono e inverno, logo de ter percorrido durante o pasado verán multitude de Concellos lucenses, onde achegou a milleiros de visitantes os recursos naturais e patrimoniais da provincia.
A institución provincial ofrecerá actividades lúdicas pensadas para alumnos dende educación infantil ata 6º de primaria, coas que os nenos coñecerán a diversidade da flora, fauna e ecosistemas da provincia, e aprenderán a importancia de preservar esta riqueza, ó tempo que lles achegará dous símbolos lucenses, a Muralla romana de Lugo e a Mariña, aínda descoñecidas por moitos rapaces. As actividades céntranse en temas contemplados nos temarios escolares para alumnos de primaria, que os inclúen coma os chamados “contidos transversais”, de xeito que co Barco ofrécelles un xeito divertido de aprendelos.
A instalación está ambientada como os barcos da Mariña, con aparellos náuticos que de xeito gratuíto cederon as confradías de pescadores da Mariña e o Concello de Viveiro. Así mesmo, o Barco conta con diverso material informativo sobre as Reservas da Biosfera e sobre iniciativas empresariais e formativas relacionadas co medioambiente. A Fundación TIC, organismo dependente da Deputación, foi a encargada de editar os vídeos que amosan todo o potencial medioambiental da provincia.
A fin de semana, no Valadouro
O Barco Muralla vén de recalar en Sarria e Samos, onde foi visitado polos rapaces dos CEIP destas localidades e ata onde tamén se achegaron os nenos do de Triacastela. Tras esta exitosa parada, esta fin de semana trasladarse ata O Valadouro, onde coincidirá coa celebración da Feira do Mel desta localidade, retornando a vindeira semana á súa ruta polos colexios, visitando o CEIP de Antas de Ulla.
Todos os centros escolares da provincia foron convidados a participar, tendo xa previstas na súa axenda moitas visitas. De calquera xeito, aínda restan algunhas datas libres, polo que os colexios interesados en participar poden sumarse a esta iniciativa didáctica poñéndose en contacto cos responsables da organización no teléfono 982-260-046.
Éxito de convocatoria
Preto de 10.000 persoas achegáronse ata a embarcación nos últimos 12 meses -3.000 deles só nos meses de verán-, para coñecer a través do numeroso material didáctico toda a riqueza medioambiental lucense. Moitos destes visitantes visitaron a singular embarcación durante a celebración de importantes festexos nos diferentes Concellos nos que estivo, o que contribuíu favorablemente á afluencia de público.
O Barco Muralla é unha iniciativa enmarcada no programa Lug0₂, que conta cun orzamento de máis de 120.000 euros cofinanciado nun 80% por fondos europeos. Dende a Deputación consideran que o medio ambiente é unha importante oportunidade de negocio para os lucenses que, con iniciativas deste tipo, aprenden a coidar do seu patrimonio e xeran riqueza dun xeito sostible, de aí o empeño da entidade provincial por amosar tódalas posibilidades da natureza de Lugo.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
