O PSdeG de Barreiros denuncia a “incerteza inxustificada” coa que están a vivir os veciños deste Concello, quenes están a recibir nas súas casas unha carta das compañías eléctricas na que se lles comunica a obriga de substituír os contadores eléctricos ou, do contrario, no prazo dun mes, procederán a cortarlles o subministro, unha actitude “arbitraria e irregular”, pois, segundo a normativa europea, teñen de prazo ata o ano 2017 para poder facelo. A voceira municipal socialista, Carmen Veiga, lamenta que os cidadáns “estean pasando por isto”, mentres o alcalde “sigue mirando para outro lado sen facer absolutamente nada”. Por elo, instan á Xunta de Galicia a que “tome cartas no asunto”, e desenvolva incluso medidas compensatorias para todas aquelas familias que se están a ver afectadas inxustificadamente pola medida.
Ante a gravidade da situación, que só resposta a “un intento de amedrentar á xente”, e dado que o goberno municipal, “nin está, nin se lle espera”, os socialistas convocaron ós veciños a unha xuntanza con representantes da Plataforma de Afectados polos Abusos do Mercado Eléctrico da Mariña co obxectivo, explican, “de escoitar á xente para buscar unha solución a este problema, antes de que sexa demasiado tarde”. O encontro terá lugar o vindeiro martes 22, ás 21.00 horas, no local da asociación Emigrante Puma Rubín, en San Miguel de Reinante.
Estas son as consecuencias dos gobernos do PP
O cambio dos contadores enmárcase no proceso de liberalización do mercado eléctrico para millóns de fogares, logo de que o Goberno Central refrendase esta medida imposta por Europa co fin de diminuír o custo da tarifa de último recurso (TUR) para as arcas públicas. A TUR foi creada en 2009 a modo de refuxio para unha potencia instalada inferior ós 10 quilovatios, unha categoría na que se inclúen practicamente todos os fogares da Mariña. Esta situación, tal e como recoñecen os socialistas de Barreiros, increméntase coa substitución dos equipos de medida polos novos dixitais adaptados para telexestión. Coa súa instalación, detéctase, ademais, un incremento na medida de consumo dos fogares próximo ó 10%.
“Este é un serio problema. Non poden enviarlles unha carta ós nosos maiores dicíndolles que teñen que cambiar os aparatos e que se non quedan sen luz. A Xunta de Galicia e o Concello teñan a obriga de velar polas familias afectadas, impedindo que se efectúen os cortes”. Neste marco actual, engaden, “o consumidor atópase nunha situación de desamparo debido á falta de apoio”.
Total indefensión dos usuarios
Esta forma de entender a normativa crea unha situación de total indefensión dos usuarios fronte ás compañías comercializadoras e distribuidoras. Ademais, dáse a particularidade de que cando se lle corta o subministro a un particular por falta de pago, resúltalle máis sinxelo obter a reposición do devandito subministro que a un abonado ó que a interrupción se fixo de forma irregular. O corte por falta de pago subsánase en 24 horas unha vez realizado o pago pendente pero, se o corte é irregular ou inxustificado, o titular ten que presentar reclamación en Industria, agardar a que este Departamento conteste e a que se resolva todo o procedemento administrativo.
A Mariña, unha das zonas máis afectadas da provincia
Os problemas coa facturación eléctrica seguen provocando complicacións en varios concellos da provincia, sendo A Mariña unha das zonas máis afectadas. Ás denuncias dos barreirenses súmanse as levadas a cabo pola Comunidade de Propietarios de Cervo que, no prazo dunha semana, recibiron doce facturas de consumo eléctrico por un importe superior ós 10.400 euros; cantidade que non se corresponde co que realmente deberían pagar debido a unha lectura estimada dos seus contadores.
Neste caso concreto, o consumo eléctrico é duns 1.365 euros, sen embargo, a factura recibida é 5 veces maior: 5.314 euros. Polo que se refire ós servizos comúns o custe dos mesmos é duns 750 euros, pero agora a compañía pasa a cobrarlles 5.114 euros, é dicir, seis veces máis do consumido. Noutros casos, tendo presentada e rexistrada a reclamación en Industria ou Consumo, a interrupción tamén se realiza sen que o Executivo galego resolva e sen a autorización pertinente.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
