2 de outubro de 2013.- Logo de que Elena Candia transmitise, dende un primeiro momento, a súa preocupación por mor das escorrentías que sufrían os veciños de diferentes zonas de Mondoñedo, ocasionadas pola unión entre choivas e obras da A-8, a popular mostrou hoxe a súa satisfacción, logo de que o deputado nacional, Jaime de Olano, lle transmitise que a solución para por fin as escorrentías aparece garantida nos orzamentos para 2014.
Explicou Jaime De Olano a Elena Candia que nos orzamentos xerais do estado contémplanse partidas orzamentarias para liquidar os contratos das obras da Autovía A-8 entre Careira e Mondoñedo; algo que está previsto por en servizo a finais do 2013, onde se reflicte o compromiso expreso da Ministra de Fomento, Ana Pastor, e tamén unhas partidas para solventar os problemas das escorrentías.
“Partidas para cumprir co compromiso da finalización das obras galegas, de rematar os dous tramos que faltan, para os que hai orzamentados 18 millóns de euros, e para a execución do proxecto complementario para solventar os problemas de escorrentías frecuentes na zona”- informou Olano.
Elena Candia agradeceu o compromiso do goberno de España, concretamente ao Ministerio de Fomento, que recolla unha partida orzamentaria, para combater este problema que ocasionaba importantes danos no día a día dos veciños das parroquias polas que discorre a autovía.
“A solución deste problema queda garantida nos orzamentos”- manifestou Candia, quen dende sempre mostrou a sús preocupación ao ver como aos veciños de distintas parroquias mindonienses, se lle inundaban as súas casas e colleitas en días de choiva debido as obras e trastornos ocasionados polas obras da A8 ao seu paso por este concello.
OUTRAS OBRAS EN MARIÑA
O popular cualificou os orzamentos de comprometidos con Galicia, Lugo e A Mariña e salientou que Galicia é a segunda Comunidade con maior volume de inversión do Ministerio de Fomento no 2014, cun importe de 1.157,7 millóns de euros, o que a sitúa nun 198% por riba da media nacional, e a provincia de Lugo é a cuarta de España en inversión de Fomento en estradas, cun importe de 99,1 millóns de euros.
Ademais da A-8, mencionada anteriormente, Jaime de Olano, destacou os 100 mil euros para a licitación do proxecto e do tramo entre Barreiros e Foz. Dixo o deputado nacional que isto supón o primeiro paso para que se faga efectiva esta infraestrutura para os veciños de a mariña.
CONSERVACIÓN DE ESTRADAS
Jaime De Olano explicou a Candia que ademais dunhas obras menores, orzamentáronse 1,2 millóns de euros para a valización, sinalización e construción dunha rotonda en A Pontenova.
Asemade tamén resaltou o popular que o Ministerio de Medio Ambiente Rural e Mariño, destina 300 mil euros para actuacións na recuperación do litoral e dotación de servizos na costa de Lugo.
Logo dun repaso aos orzamentos ámbolos dous populares manifestaron que o goberno de Mariano Rajoy non da as costas a mariña lucense e cualificaron os orzamentos para 2014 de realistas, rigorosos e da senda da recuperación económica.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
