Lugo 17 de outubro de 2013.- A voceira do PP na Deputación Provincial de Lugo, Elena Candia, xunto co alcalde de Burela, José María González Barcia, e o presidente do PP local, Jesús López Penabad, úrxenlle este xoves á Xunta de Galicia que inicie de xeito inmediato os trámites para a declaración BIC (Ben de Interese Cultural) de pezas da colección de Álvaro Gil, como é o torques de Burela.
Os populares insisten na necesaria rapidez desta xestión despois de ter constancia hoxe polos medios de comunicación de que a Deputación Provincial de Lugo vén de poñer data aos herdeiros de Álvaro Gil para que retiren a colección.
Dado que o goberno bipartito provincial non está a ser quen de chegar a un consenso cos familiares de Álvaro Gil para que se manteña o patrimonio na provincia; os populares diríxense á administración autonómica para que esta denominación BIC sexa un engadido protector a diferentes pezas da colección de Álvaro Gil.
Que supón a denominación BIC?
A consecuencia da denominación dun ben como BIC conleva que este sexa de dominio público, distinguindo dominio público de propiedade privada; é dicir, un particular pode ser propietario dun BIC, pero a Administración protexerá o valor artístico, histórico e espiritual do ben.
Do mesmo xeito, necesitaranse autorizacións para calquera obra ou modificación; será obrigatorio facilitar inspección, visita pública e investigación; e terá privilexios fiscais, así o dono dun BIC pode recibir axudas para o seu mantemento, restauración, etc.
A maiores os bens BIC son inseparables do seu entorno e inexportables, isto inclúe os bens mobles, que é ilegal sacalos do país.
Seis anos e ningunha solución
Os populares lamentan que o actual goberno bipartito da Deputación Provincial de Lugo durante seis anos non fose quen de chegar a un consenso coa familia de Álvaro Gil, para a preservación deste legado.
Ata o punto de que, segundo lembran dende o GPP, pasados tres meses dende o coñecemento da sentencia do Tribunal; o PSOE e o BNG deron a calada por resposta e non realizasen ningún tipo de xestión para garantir a continuidade das pezas no museo provincial.
A tardanza na xestión e a mínima implicación do presidente provincial, José Ramón Gómez Besteiro, poden provocar que Lugo se quede sen estas pezas de valor patrimonial, ademais de con 600.000 euros menos nas arcas municipais dado o pago das cotas xudiciais.
Neste senso, o GPP esixe que se continúen coas negociacións e se evite que as pezas terminen fóra da provincia.
Un presidente, centro na súa proxección
O Grupo Provincial do Partido Popular en reiteradas ocasións se veu obrigado a solicitar información sobre como se atopa a situación do proceso das pezas de Álvaro Gil, ata o punto de verse obrigado a pedir por rexistro a celebración dunha xunta de portavoces, e ter constancia hoxe a través dos medios de que a Deputación pon data a familia para retirar as pezas do museo.
Neste senso, os populares tamén pediron en varias ocasións a implicación do presidente provincial que se amosa “máis interesado pola súa proxección persoal, que por dar solución aos problemas que afectan á provincia”, matizan.
Dende o Grupo Provincial do Partido Popular explican que non se pode consentir que Lugo siga sen presidente e sen un equipo de goberno que amosou unha absoluta incapacidade ante os asuntos relevantes na provincia.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
