Barreiros, 26 de outubro de 2013. Tal e como tiñan anunciado en semanas pasadas, os nacionalistas barreirenses comezarán a vindeira semana a informar sobre o documento inicial do Plan Xeral de Ordenación Municipal, que se coñece ao ser sometido a información medioambiental.
“A pesar de que aínda non está aberto o proceso de alegacións para particulares propiamente dito, queremos comezar a informar sobre o proxecto, á vista da complicación que ten habitualmente a tramitación dun plan xeral e da que se pode dar no caso concreto de Barreiros”, explican desde o BNG.
“Coa documentación pública que hai ata o momento, comprobando a proposta de reparto de chan e comparándoa coa que contemplaban as normas subsidiarias do 1994, pode verse facilmente cal é o espíritu co que se elabora este plan. A zona interior do concello queda practicamente sen bolsa de solo de núcleo rural, salvo onde xa existen vivendas e, aínda non en todos os casos; mentras a zona costeira, onde se sitúan as grandes promocións inmobiliarias dótase dunha grande bolsa de núcleo urbano para darlle cobertura a esas construccións”, aseguran os nacionalistas. “Todo o solo de núcleo rural que se contemplaba normalmente ao longo dos principais viais das parroquias da zona interior desaparece para trasladalo á zona costeira.”
Polo tanto, para o BNG, o que fai este PXOM é “perpetuar a xa histórica discriminación das parroquias do interior do concello fronte ás parroquias costeiras.” Os nacionalistas insisten en que “a zona sur non só está sen practicamente ningún servizo e queda esquecida tamén no plan sectorial e, polo tanto, nos orzamentos da Xunta; senón que, ademais, con este PXOM, queda tamén sen posibilidade de construír sequera vivendas unifamiliares.”
“Todos os esforzos de Alfonso Fuente e do Partido Popular van encamiñados unha vez mais a favorecer ás grandes promotoras, ignorando totalmente ás parroquias, tal como se puido comprobar cando con 14 millóns de euros de cartos públicos se intenta premiar aos protagonistas da desfeita urbanística e non destinan nin un só euro para dotar de servizos ás parroquias da zona sur”, afirman os nacionalistas, que continúan decindo que “non é explicable que cando moitos promotores están renunciando ás licenzas, no PXOM se lles siga poñendo mais solo urbano a esas urbanizacións e restándolle ás parroquias”.
Charlas informativas en Cabarcos e Vilamar
Para presentar a documentación que ata o momento hai exposta e explicar o procedemento de tramitación e alegacións ao plan, os nacionalistas convocan ás veciñas e veciños de Cabarcos a asistir a unha charla informativa que terá lugar este martes, 29 de outubro, ás 20:30horas nas escolas de Cabarcos.
O mércores 30 tócaralle o turno á parroquia de Vilamar que, á mesma hora, acollerá outra charla informativa tamén nas escolas.
Os nacionalistas informan que ao longo destes meses, sen a premura dos prazos de alegacións enriba, irán percorrendo as distintas parroquias do concello para informar destas cuestións.
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
Estes servizos sumaranse aos que xa permanecen abertos habitualmente, como os do parque Pernas Peón. O Día das Tortillas, que se celebra o domingo anterior ao Domingo de Ramos, reúne cada ano a veciños e visitantes en varios espazos do municipio. Con esta medida, o Concello busca facilitar o desfrute da xornada e mellorar a comodidade das persoas asistentes. Desde o Concello de Viveiro lémbrase tamén a importancia de facer un uso responsable das instalacións públicas, de manter limpos os espazos naturais e de respectar as n
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
