Burela, 18 de outubro de 2013.- A delegada territorial da Xunta, Raquel Arias, visitou este venres nunha das clases de apertura de actividades aos alumnos do curso Monitor Deportivo que se desenvolve no Centro de Formación de Burela, onde informou do “importante programa” de accións formativas para desempregados (AFD) que está a promover a Consellería de Traballo e Benestar na comarca da Mariña.
Arias, acompañada polo alcalde de Burela, José María González Barcia, e concelleiros do seu grupo de goberno, destacou que ao longo deste ano que este ano estanse a desenvolver na zona costeira 28 cursos incluídos no programa de Accións Formativas para Desempregados (AFD), que supoñen un orzamento de preto de 1,4 millóns de euros.
A delegada fixo fincapé “no esforzo inversor que supoñen estas actividades, que son un piar fundamental dentro das políticas activas de emprego da Xunta de Galicia” e que na comarca mariñá dan acceso a formación “a preto de 450 persoas sen emprego que dispoñen así dun marco educativo específico para mellorar ou reorientar a súa cualificación profesional”.
Arias puxo como exemplo do amplo abano de posibilidades que ofrece neste eido o programa que promove o departamento de Traballo e Benestar o curso de Monitor Deportivo que ven de comezar en Burela –“o único destas características que se leva a cabo na provincia”, puntualizou-. Trátase dun curso orientado “a un ámbito laboral que ofrece perspectivas de expansión no mercado de traballo” e que ten especial interese dentro da franxa de desempregados xóvenes.
De feito, este curso (que presenta unha carga lectiva de 318 horas) esgotou o cupo de ocupación e reúne entre os participantes a alumnos de puntos tan distantes na comarca como Viveiro, Foz ou Xove, ademais do propio municipio de Burela.
Ao respecto, Arias gabou o labor do centro de formación burelés, que programou cinco dos seis cursos AFD que se desenvolven este ano no municipio.
Ao fío das opcións que ofrecen estas iniciativas formativas, Arias significou a orientación da programación de cursos AFD cara “aos novos viveiros de emprego, como é o caso das actividades relacionadas coas novas tecnoloxías, o turismo e a atención sociosanitaria”, pero tamén recordou que segue a darse cobertura ás demandas de formación en áreas como a xestión e a administración comercial.
Raquel Arias lembrou que as accións formativas sufragadas polo departamento de Traballo “pretenden mellorar a empregabilidade das persoas sen emprego a través dunha formación axustada ás necesidades do mercado de traballo”, para o que conta coa participación doutras entidades públicas e privadas.
Ao respecto, celebrou a implicación “dos concellos, das organizacións sindicais e empresariais e mesmo de empresas privadas, que organizan boa parte dos cursos e axudan deste modo a configurar unha programación axustada ás necesidades do mercado laboral”.
As accións formativas incluídas neste plan pretenden atender aos requirimentos de competitividade das empresas, recoñecendo os sectores en alza e cualificando ás persoas desempregadas nas habilidades que demandan eses novos viveiros de emprego.
Centro propio na comarca
Arias fixo especial fincapé no “valioso papel” que desempeñan os centros propios da Consellería de Traballo e Benestar, situados en Monforte de Lemos, Lugo e en Viveiro, dentro da propia comarca da Mariña. En opinión da representante do Executivo galego na provincia, estes centros completan o catálogo de cursos -introducindo unha formación máis técnica- e dispoñen de instalacións e ferramentas mecánicas e tecnolóxicas axeitadas para a aprendizaxe práctica. Precisamente, o centro viveirense ofrece cinco dos cursos dos que se desenvolven na zona, e entre estes prevalecen as accións formativas de carácter tecnolóxico e mecánico.
Raquel Arias incidiu na importancia de “prepararse para o novo escenario laboral”, e insistiu en que “a alternativa de reciclarse e de formarse en novas materias é agora máis necesaria que nunca, dado que se precisa capacidade de adaptación para competir con máis recursos no panorama actual do mercado”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
