“Esta debe de ser a executiva da militancia. Pegada á realidade, implicada e comprometida”. Con este rotundo obxectivo, o novo líder dos socialistas de Lugo marcaba a folla de ruta ós novos representantes orgánicos do PSOE. Deste xeito, logo de que na mañá deste sábado elixisen co 94% do votos a Juan Carlos González Santín como secretario xeral do do Partido na provincia, pola tarde os delegados votaron ós representantes dos Órganos Provinciais do PSOE.
No acto de clausura, González Santín reiterou que “somos o único partido no que se pode ver reflexada toda persoa. Sen nós a sociedade sería moito peor, e de nós depende que sexa moito mellor. Demostraremos unha vez máis que defenderemos e modernizaremos este país. O traballo en equipo, a responsabilidade común e os éxitos compartidos serán o noso selo”. Neste senso, explicou que “a executiva está para axudar, para traballar a reo, para que non falte de nada en cada agrupación. Está debe de ser a executiva da militancia. Pegada á realidade, implicada e comprometida”.
O novo secretario provincial animou a crer no novo proxecto socialista para consolidarse como alternativa para as vindeiras eleccións municipais. É necesario, afirmou, comezar a preparar esa cita, que será “a cita do cambio na provincia, o cambio operado polo PSdG, e avanzado na Deputación. Nos concellos onde gobernamos, deberá de consolidarse, e nos que non temos a responsabilidade de goberno, debemos alcanzala e demostrar o que sabemos facer. Empecemos xa. É o noso momento”.
Ademais de cumprir os criterios de paridade do partido e de incorporar á única alcaldesa socialista da provincia, tal e como xa fixo no seu día o novo líder dos socialistas galegos, incorpora novas secretarías en resposta ós obxectivos fixados no seu discurso. Deste xeito, a principal incorporación é a Secretaría do Militante, creada co obxectivo de servir de enlace entre a executiva e os coordinadores coordinadores comarcais para dar unha resposta axeitada ós cidadáns. Así mesmo, tamén introduciu as Secretarías de Política Municipal; de Transparencia e Bo Goberno; de Economía e de Cultura e Pensións. O obxectivo, indicou González Santín, é adaptar o partido ás necesidades actuais. Para elo renova a executiva nun 30%.
Amplo respaldo ós novos órganos
Polo que respecta á executiva provincial, esta acadou o 84,16% dos votos, dos que 19 foron en branco e 101 a favor. Os integrantes que a compoñen son os seguintes: Secretario Xeral: Juan Carlos González Santín; Secretaría de Organización: José Carlos Ferreiro Otero; Secretaría de Política municipal e coordinador de Lugo: Álvaro Santos Ramos; Secretaría de Sanidade e Coordinadora da Montaña: Darya Fernández Gómez; Secretaría de Emprego: Gloria María Prado Rodríguez; Secretaría de Cultura e Pensións: Regina Polín Rodríguez; Secretaría de Medio Rural: Horacio Rouco Ferro; Secretaría del Militante: Leticia Seara Losada; Secretaría de Transparencia e Bo Goberno: Benigno Gómez Padín; Secretaría do Mar e Coordinadora da Mariña: Mayra García Bermúdez; Secretaría de Servizos Xurídicos: Laura Celeiro García; Secretaría de Comercio e Deporte: Carlos Gueimunde Cabaleiro; Secretaría de Redes e Novas Tecnoloxías e Coordinador de Sarria: Pablo Rivera Capón; Secretaría de Educación e Formación: Pilar Saavedra Morandeira; Secretaría de Economía e Coordinadora do Suroeste: Pilar García Porto; Secretaría de Turismo e Coordinador de Lemos: Roberto Castro González; Secretaria de Política Social: Ana González Abelleira; Secretaria de Sostenibilidade Ambiental e Coordinador da Terra Chá : Eduardo Vidal Baamonde; Secretaría de Administración: José Fernández Piñeiro Díaz; e Secretaría de Acción electoral: Alfonso Orol Castro,
Comisión de Control Económico
Na sesión deste sábado os socialistas tamén elexiron a comisión de control económico. Esta acadou o apoio do 87,28% dos votos, dos que 103 foron a favor e 15 en branco.Está integrada por Javier Cerqueiro González, Purificación Vázquez Martínez, María do Carme García Conde, Rocío López García e Serafín Otero Paredes.
O congreso, que estivo presidido pola Vicepresidenta Segunda da Deputación e concelleira do concello de Cervo, Lara Méndez, foi clausurado polo secretario xeral dos socialistas galegos, José Ramón Gómez Besteiro.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
