Ás pupilas de Quico Otero espéraas unha xornada difícil no cume, coa visita á pista do complicado La Rioja FSF, quinto clasificado. Con todo, non só o terá duro o Burela FS Pescados Rubén; o seu rival no coliderado, Atlético de Madrid Navalcarnero, tamén se medirá a un rival perigoso, UA Alicante, sexto na táboa. O encontro entre logroñesas e mariñás será o único da xornada dominical (Palacio dos Deportes, 13.00 horas); o resto disputarase o sábado.
O sétimo compromiso de Primeira preséntase con moita motivación para as laranxas, que deberán defender a primeira praza ante un rival dos máis fortes da categoría, na semana anterior ao gran duelo co Atlético. “La Rioja é un equipo difícil de bater; imos a unha pista que por historia sempre é complicada para os rivais” advertía Quico Otero, destacando a calidade e a traxectoria das logroñesas: “É un grupo que leva anos unido e que está facendo unha boa campaña. Mantívose líder nas tres primeiras xornadas; de non ser o tropezo na casa do Valdetires seguiría na primeira praza” apuntaba o viveirense dun “dos equipos que máis me gusta”.
La Rioja FSF chegou á cuarta xornada con 9 puntos, cando caeu derrotado ante Valdetires (4-2); desde entón encadea os empates con Cidade das Burgas (1-1), na casa, e UA Alicante (2-2), a domicilio.
Quico Otero cumprirá o seu terceiro e último partido de suspensión, tras a sanción recibida en Alacante. A única ausencia na expedición laranxa, que partirá o sábado sobre as 11.00 horas cara ao destino da sétima xornada, será Paula, que continúa co seu proceso de recuperación.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.