O restaurante San Miguel, de Ribadeo, comienza este venres 15 de novembro unha nova edición das súas xornadas gastronómicas dedicadas aos calamares da ría e o rape, que se desenvolverán ata finais deste mes. Durante estes días ofrece varias preparacións elaboradas con estes dous produtos do mar a prezos reducidos ademais dun menú degustación con dous pratos de calamares (calamares con fabas de Lourenzá; arroz negro de calamares; calamar á prancha), outros dous de rape (sopa de rape e marisco; carpaccio de rape e lagostinos; rape con ameixas en salsa verde, tronco de rape ao modo de As Catedrais e a caldereta de rape, ameixas, lagosta e nécoras), sobremesa e bodega por 35 euros persoa. O xerente e cociñeiro do restaurante San Miguel, José Ramón Rodríguez, decidiu organizar un ano máis por esta época estas xornadas porque “son dous productos do mar que gustan a moita xente e é interesante ofrecelles elaboracións diferentes ás habituais sen esquecernos das que xa son máis tradicionais. Ademais as anteriores edicións destas xornadas tiveron moi boa aceptación”. O restaurante San Miguel mantén tamén a súa ampla e varida carta que ven de renovar recentemente. A reserva de mesa pode facerse no propio establecemento ou chamando ao 982 129 717.
Calamares da ría e rape no Restaurante San Miguel de Ribadeo
Relacionado
-
O grupo dos maiores de Cervo Concilia fixo este mércores unha saída á praia para recoller tesouros naturais: cunchas, area, pedras e outros materiais especiais
-
O alumnado de 6º curso de Educación Primaria do Colexio Sagrado Corazón, de Ribadeo, celebrou cun evento o seu paso á ESO
-
I Campus de Verán de Waterpolo en Cervo
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
