As burelistas Lidia Mesías e Patricia González, Peque, formaron parte do quinteto inicial no envite de onte da Selección Española con Portugal (1-2), durante a concentración que o combinado de Venancio López está realizando nos Azores dende o domingo.
As españolas marcaron os tempos do partido. Ao final do primeiro período, Andrea Feijoo puxo de manifesto o dominio da Vermella de potente disparo dende fóra da área. No tramo final, Ceci, xa con Portugal optando polo xogo de cinco na busca do empate, aproveitou un rexeitamento para facer o 0-2 e coas lusas afanadas sobre a portería española chegaba o definitivo 1-2, obra de Melissa de punteirazo dende fóra da área escorado cara á ala.
O segundo e último encontro da concentración da Vermella nos Azores disputarase hoxe de novo con Portugal nas mesmas instalacións, en Angra do Heroismo, a partir das 21:30 horas (hora española).
Ficha técnica
Portugal (1): Natalina Silva,Inés Fernandez, Rita Martins, Ana Azevedo e Daniela Ferreira (quinteto inicial). Tamén xogaron Liliana Salema, Claudia Santos, Catia Morgado, Joana Meira, Melissa, Sofia Ferreira, Ana Catarina (segunda porteira), Sofia Vieira e Carla Vanessa
Seleccionador: Jorge Braz
España (2): Jennifer, Patri Chamorro, Lidia Mesías, Peque e Anita Luján (quinteto inicial). Tamén xogaron Bea Martín, Berta Velasco, Andrea Feijoo, Claudia Pons, Leti, Sara, Ceci, Silvia e Lucía Nespereira.
Seleccionador: Venancio López
Goles: 0-1, min. 20, Andrea Feijoo; 0-2, min. 39, Cecilia; 1-2, min. 40, Melissa
Pavillón Municipal de Angra do Heroismo. Colegiados, Mário Silva, Sérgio Silva e Filipe Ferreira, de Portugal. Encontro amigable con motivo da preparación do IV Torneo Mundial.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
