Foz, 18 de novembro de 2013. O alcalde de Foz, Javier Jorge Castiñeira, e técnicos municipais iniciaron as charlas sobre o plan urbanístico nas parroquias, actos informativos que continúan ata ese mércores. O rexedor municipal destaca que estas reunións sobre o Plan Xeral son as únicas obxectivas e que están autorizadas pola comisión do PXOM.
“Comezaron por parte dos técnicos municipais as charlas informativas para explicar o Plan Xeral de Foz, concretamente o venres en San Acisclo e o sábado en Santa Cecilia, e a aceptación é boa por parte dos veciños, que acoden a informarse. Novamente os técnicos municipais bríndanse non só para esas charlas que se van facer en todas as parroquias que nos quedan durante estes tres días (luns, martes e mércores) senón que ademais todos os veciños poden acudir á Casa do Concello de Foz e alí explicaráselles de forma pormenorizada como afecta o PXOM a cada unha das súas propiedades”, explicou hoxe Javier Castiñeira, que tamén destacou que “nos actos informativos que temos estes días o que se fai é explicar de forma xeral a aplicación e a afección do Plan Xeral en cada parroquia. Estas son as únicas charlas autorizadas pola comisión do PXOM, porque son as obxectivas que están dando os técnicos municipais”.
En cambio, engadiu o alcalde, “estanse facendo charlas por parte de dous grupos políticos, como son o BNG e Unifoz, nas que se está falando máis de política que do Plan Xeral e onde se critica ao grupo de goberno pero non polo PXOM. Creo que é unha tomadura de pelo por parte duns que queren aproveitar o reclamo do Plan Xeral para falar doutras cousas. Paréceme vergonzoso sobre todo por parte do portavoz de Unifoz, que foi unha das persoas que participou na elaboración deste plan cando o fixo o anterior grupo de goberno. Paréceme incoherente que este señor estea agora criticando o Plan Xeral cando foi un dos que verdadeiramente participou na súa elaboración. Por parte do BNG é unha deslealdade ao PXOM: todos aqueles que criticaban que Foz era un pobo que non tiña normativa urbanística agora son os primeiros que se queixan, cando vén un documento novo e moderno para o concello. Estase facendo demagoxia, porque se está dicindo que este plan deixa fóra de ordenación cando realmente as vivendas das que están falando a maior parte delas xa están fóra de ordenación agora pola afección das diferentes administracións, como pode ser Carreteras del Estado, Estradas de Galicia, Costas, Feve ou moitas máis. Polo tanto dígolles aos veciños que non se fíen das charlas políticas, pois o obxectivo delas é dende logo tirar contra o goberno actual. Que se fíen das informacións que dan os técnicos municipais, que son as únicas válidas”.
O rexedor municipal rematou comentando que “o Plan Xeral é un documento que evidentemente é mellorable e para iso se contemplan as alegacións e o proceso informativo, pero é necesario e fundamental para o concello de Foz”.
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
A proposta combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos. As entradas, cun prezo de 5 euros, poderán adquirirse no despacho de billetes desde unha hora antes do inicio. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
A actividade conta coa colaboración do Concello.
O presidente, José Luis Sáez, agradeceu o apoio da empresa, clave para reforzar os equipos nesta segunda volta e garantir a continuidade da entidade, que segue loitando pola permanencia en Primeira División Iberdrola e Segunda División.
