O Burela Pescados Rubén caeu derrotado por 4-0 na súa visita a La Salobreja ante un Xaén Paraíso Interior que aproveitou mellor as súas ocasións. Durante o primeiro periodo os locais exerceron unha presión alta a un Burela que lograba liquidala con facilidade, pero esa claridade na saída do xogo transformábase en escuridade á hora de materializar as ocasións. O Burela Pescados Rubén perdoou en exceso e ao descanso chegouse sen goles.
Na continuación, o partido rompeuse a favor dos andaluces nos primeiros cinco minutos. Sergio, Yoni e Miguelín asestaron un golpe tras outro para situar un 3-0 sorprendente tralo visto no periodo inicial. O conxunto galego buscou a remontada e gozou de ocasións para engarcharse ao partido pero os paus, Prieto que ata detivo un penalti, e a escasa puntería laranxa impediron atisbar a remontada. Lolo Jarque redondeou a vitoria xienense (4-0) nos instantes finais do partido.
Ficha técnica:
Jaén Paraíso Interior: Prieto, Jorge Bellver, José López, Lolo Jarque, Montes –cinco inicial- Miguelín, Ureña, Buendía, Sergio García, Yoni.
Burela Pescados Rubén: Alex, Iago Míguez, Isi, Hugo, Matamoros –cinco inicial- Mimi, Antoñito, David, Juanma.
Goles: 1-0, m. 22, Sergio García; 2-0, m. Yoni; 3-0, m. 25, Miguelín; 4-0, m.40, Lolo Jarque.
Árbitros: Cordero Gallardo, Linares López. Amonestaron con cartón amarelo a Jorge Bellvert, Lolo Jarque e Sergio García no Jaén. E polo Burela viron o cartón amarelo Hugo, Matamoros, Mimi e David.
Incidencias: Partido correspondente a la 12ª xornada da Primeira División.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
