Vitoria do Burela Pescados Rubén por 5-4 no derbi galego ante o Ponte Ourense, nun encontro intenso, con alternativas no marcador e con emoción ata o final. Peque decantou un derbi aberto ao transformar un penalti no último minuto de partido.
O conxunto burelés remou contracorrente desde o inicio do choque debido ao tempraneiro tanto logrado por Souza no seu primeiro disparo. Con esta vantaxe as ourensás reforzaron o seu plan de contención e contragolpe ante un Burela que dominaba pero non lograba atopar a chave do candado. O empate chegou nunha bonita combinación entre Lidia, Maite e Peque que estableceu unha igualada que acentuou o dominio local, pero o Ponte Ourense volveu tirar de efectividade e nunha fulgurante contra de Anita logrou o 1-2, tras superar a Jozi no man a man.
Así se chegou ao descanso e na segunda parte chegou a reacción burelesa por mediación de Maite (2-2) e Lara que plasmaba a remontada laranxa co 3-2. As ourensás acusaron o golpe e o Burela puido sentenciar o derbi pero abriu as portas a un Ponte que aceptou a invitación con Souza como estilete. Dous tantos en apenas un minuto da brasileira puxeron de novo por diante as pontinas e obrigou ao conxunto local a remar, outra vez, contracorrente. Con xogo de cinco o Burela logrou investir a situación, primeiro cun tanto de Lara e no último minuto cun penalti que Peque marcou para selar o 5-4 definitivo.
Ficha técnica:
Burela Pescados Rubén: Jozi, Maite, Peque, Claudia, Bea Mateos –cinco inicial- Lara, Lidia, Cris.
Ponte Ourense: Vane, Dryca, Marta, Laura, Souza –cinco inicial- Rosángela, Jessy, Anita.
Goles: 0-1, m.2, Souza; 1-1, m.13, Peque; 1-2, m.20, Anita; 2-2, m.23, Maite; 3-2, m.26, Lara; 3-3, m. 33, Souza; 3-4, m. 34, Souza; 4-4, m. 36, Lara; 5-4, m.40, Peque (pen.).
Árbitros: Darriba Villamor, Castro Bermúdez.
Incidencias: Encontro disputado no pavillón Vista Alegre de Burela. 700 espectadore.
Décima xornada da Primeira División.
*Foto: A Caixa Escura Produccións.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
