Lugo 24 de novembro de 2013.- O Grupo Provincial do Partido Popular na Deputación de Lugo levará ao próximo pleno unha moción na que reivindica o compromiso e apoio da Deputación de Lugo na continuidade e viabilidade do proxecto industrial de Sargadelos.
Os populares explican que urxen de xeito especial esta colaboración tendo en conta que foi a única administración que, no seu momento, non achegou ningún compromiso económico en apoio destes traballadores, lonxe de pequenas colaboracións con algunha das súas actividades culturais.
Deste xeito e de forma concreta, os populares reivindican na súa moción que a Deputación Provincial de Lugo colabore coa empresa Cerámica Sargadelos, ao igual que fixo a Xunta de Galicia, e que desta forma adopte todas as medidas que poda levar a cabo dentro das súas posibilidades.
O Grupo Provincial do Partido Popular solicita esta implicación co obxecto de que vaia dirixida á recuperación da actividade promovida pola fábrica, necesaria para facer viable e salvar unha compañía que forma parte da historia de Galicia e de gran importancia para a provincia.
Máis implicación e menos pancarta
O Grupo Provincial do Partido Popular lamenta que a administración provincial, dirixida por José Ramón Gómez Besteiro, sexa a única que non ten apoiado a Sargadelos que volve a pasar por unha situación de dificultade.
Deste xeito, os populares da Deputación de Lugo reivindican do PSOE “maior colaboración e máis feitos” e, polo contra, menos critica xa que á hora da verdade o único ao que se adican é “a poñer a pancarta, sendo a Xunta de Galicia ou o goberno de Cervo os que teñan que atopar solucións”.
O Grupo Provincial do Partido Popular explica que a axuda outorgada no seu momento pola Xunta serviu para daquela evitar o ERE extintivo e abrir novas oportunidades de negocio. Porén, as pequenas colaboracións da Deputación ás actividades culturais de Sargadelos non permiten nin manter postos de traballo nin fomentar o emprego.
Cinismo político
O GPP tacha de “cinismo político” que un partido político, o PSOE, estea a demandarlle á Xunta de Galicia un programa específico de emprego para a Mariña cando a Deputación de Lugo, gobernada polo mesmo partido en colaboración co BNG, inclúe no seu plan só a un municipio desta comarca.
Neste senso, os populares pídenlle ao PSOE que tenten acadar que o seu partido na Deputación de Lugo dea exemplo creando un verdadeiro plan de emprego que inclúa a todos os concellos da provincia e que beneficie ao maior número de parados.
Ao mesmo tempo, dende o GPP esíxenlles aos socialistas que non boten balóns fóra e veña “pedindo agora explicacións un goberno que non se involucrou con Sargadelos” pese a tratarse dunha empresa “singular, xa que a maiores da súa compoñente meramente industrial ten unha transcendencia de identidade cultural e unha composición do seu cadro de persoal moi particular, ao estar composto case na súa totalidade por mulleres”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
