O PSdeG burelés recorda que “queda moito para culminar o proxecto” da Unidade de Actuación de Torrentes

O señor Barcia enviou este luns ós medios unha nota de prensa, asinada co pseudónimo de José Luís (que parece ser o perrito faldero do Sr Barcia), onde lamenta a ausencia da totalidade da oposición na inauguración da urbanización de Torrentes, ó mesmo tempo que da un repaso mal intencionado do que, segundo el, debe ser a oposición.

Nosoutros tivemos ausentes de tal inauguración por non ser invitados en tempo e forma. O Sr Barcia mandou invitación a colectivos e representantes institucionais (tres días antes do acto), pero esqueceuse de invitar ós compañeiros de corporación do PSdeG-PSOE, o que demostra unha auténtica irresponsabilidade o mesmo tempo que reflexa unha ansia de protagonismo desmedida, como é costume neste alcalde. O respeto democrático da oposición non existe na retorcida mente do Sr Barcia e o seu equipo de “desgoberno”, e polo visto tampouco no Partido Popular de Burela.

Por outro lado moito se queixa de que a oposición estivera ausente pero a realidade, e que non só faltou a oposición, tamén faltou o 99.99% dos veciños de Burela, o que da a entender que moi ben non se fixeron as cousas.

Torrentes é unha Unidade de Actuación que se debe entregar na súa totalidade unha vez que se conclúen todos os aspectos construtivos (urbanización), administrativos (títulos de propiedade, denuncias xudiciais, etc…) e económicos (rendemento final das contas).

De momento só se abriron as rúas que compoñen a Unidade de Actuación, pero queda moito tramo para culminar o proxecto. O señor alcalde debera poñer mais interés en ser transparente cos propietarios de Torrentes, explicando e informando do desenvolvemento de todo o proceso, que en queixarse do pouco público que tivo na inauguración.