Ante as declaracións realizadas polo presidente do Partido Popular e voceiro do grupo popular no Senado, Ricardo Varela subliña que “o que ten que facer o señor Barreiro é deixar de preocuparse polos asuntos do PSOE. Debería ser responsable e centrarse algo máis nos intereses de Lugo”. Neste senso, asegura que o senador popular “tivo a oportunidade de que esta provincia fose protagonista nos Orzamentos do Estado para o vindeiro ano, pero, sen embargo, non só non o fixo, senón que, coa súa complicidade e o seu silencio, permite este castigo permanente ó que están sometidos os lucenses dende que goberna o Partido Popular”.
Por tanto, o socialista conclúe que o senador popular “debería de inquedarse polo estado da estación intermodal, da Autovía Lugo-Santiago que está totalmente paralizada, polo peche de Alimentos Lácteos, pola crise de Cementos Cosmos ou de Sargadelos, así como dos problemas que teñen outras empresas na provincia. Isto é o que realmente lle ten que interesar porque isto é o que realmente lle interesa ós lucenses”.
“Para enfrontamentos os do seu Partido”
Así mesmo, Ricardo Varela subliña que “o que realmente lle molesta ó voceiro do PP é que o PSOE teña unha estratexia política clara e baseada na unidade”. Por iso, pídelle a José Manuel Barreiro que “deixe de buscar enfrontamentos onde non os hai, porque para problemas internos os do Partido Popular. Non hai máis que ver a relación que ten Rajoy co ex Presidente Aznar, ou a del mesmo coa do Sr. Feijóo, que xa é vox populi en Galicia…”.
Problema territorial
Deste xeito, o senador socialista engade que, outro exemplo da “crise interna dos populares”, é que nas Comunidades onde gobernan, non son capaces de poñerse de acordo no modelo de financiamento. A este respecto, lémbralle a Barreiro que “se hai un Partido en España que uniu e vertebrou o territorio ese é o PSOE. O Partido Popular dedicouse durante anos a xerar enfrontamentos e odio entre as comunidades, exacerbando o sentimento nacionalista e o distanciamento co resto de España”.
Neste senso, pregúntalle “que estaría pasando hoxe en Cataluña se o PP non houbese afogado co seu recurso no Constitucional a vía do novo Estatut. Sinxelamente, nada. A presión tería unha válvula de escape política e a sociedade catalana sentiríase atendida. Os problemas de hoxe son froito da torpeza e o electoralismo dun Partido sen sentido de estado”, concluíu.
“A Barreiro dóelle que o PSOE teña un proxecto claro”
Pola súa banda, o secretario xeral dos socialistas da provincia de Lugo, Juan Carlos González Santín, mantén a mesma postura que a indicada no día de onte. Neste senso, reitera que a conferencia política desta semana serviu para configurar un novo proxecto que será capaz de dar resposta ás necesidades dos cidadáns.
A este respecto, engade que “o que lle molesta ó Partido Popular é que por o PSOE está máis unido e cohesionado ca nunca; feito que nos está a converter na alternativa para poñer coto ós fortes ataques que o PP veu perpetrando nos últimos meses contra os cidadáns. Isto é precisamente o que motiva as declaracións do señor Barreiro. Hoxe os españois, os galegos e os lucenses pagamos máis impostos ca nunca. Todoso lembramos a famosa foto na que o Sr. Rajoy e a Sra. Esperanza Aguirre aseguraban que non ían subir o IVA…. Temos máis paro ca nunca, temos unha peor Educación e Sanidade públicas… A Barreiro dóelle que o PSOE teña un proxecto claro e que todos camiñemos na mesma dirección”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
