SANTIAGO. A Comisión Executiva da Fegamp non ratificou hona mañá deste mércores o principio de acordo alcanzado o pasado venres co conselleiro de Medio Ambiente, Agustín Hernández, para que a subida do canon de tratamento de Sogama se atrasase ao 1 de xullo de 2014 e producise un aforro nas economías municipais.
A falta de acordo entre os grupos políticos levou a que o presidente da Federación e alcalde de Ferrol, José Manuel Rey Varela, desistise de expor este asunto para a súa votación. “O municipalismo debe de manter a súa unidade de acción en asuntos tan transcendentes como este”, explicou, “e dado que non se daba o consenso necesario, a Fegamp non o ratificará”.
O acordo político era imprescindible para materializar o atraso da aplicación do incremento do canon, xa que se necesita unha transacción parlamentaria no proxecto de Orzamentos da Xunta para 2014 na que participen os grupos da oposición, dado que a maioría popular non pode modificar unha emenda propia unha vez concluído o trámite legal.
Na actualidade, a emenda do grupo parlamentario popular ao texto orzamentario prevé que o incremento do canon sexa efectivo o 1 de marzo, en lugar do 1 de xaneiro que se establecía inicialmente.
A Comisión Executiva manifestou que “a Fegamp nunca se expuxo aprobar a subida” establecida por Sogama, á vez que insiste no seu “rexeitamento” ao novo marco enerxético imposto polo Goberno e que aboca a esta empresa a incrementar o canon un 34% de cara a 2014.
Non entanto, a Fegamp quixo valorar “moi positivamente” o ofrecemento do conselleiro Hernández para abordar posibles medidas paliativas á subida, “que lamentablemente non se poden ratificar pola falta de acordo parlamentario”, reiterou Rey Varela.
Igualmente, a Federación mostrouse disposta a “participar moi activamente” no grupo de traballo ofrecido polo conselleiro “para abordar o novo plan de residuos de Galicia”, sen que iso signifique “en absoluto pór en dúbida o actual modelo de Sogama”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
