O Valadouro, 5 de decembro de 2013.- A Xunta de Galicia investiu preto de 135.000 euros (134.265 euros) nas obras para dotar de saneamento a tres barrios da parroquia de Moucide, dentro do concello do Valadouro, así como para facilitar a xestión de residuos e a potabilización de augas nos mesmos núcleos de poboación. As obras, sufragadas a través do Fondo de Compensación Ambiental, afectaron aos barrios de Pe de Areosa, Teixoeira e O Campón.
O proxecto, que deu continuidade a obras de mellora e modernización do saneamento executadas na mesma parroquia de Moucide durante o ano 2011 e 2012, supuxo a instalación dunha rede de colectores por gravidade que se conectou cos existentes grazas ás actuacións realizadas nos anos anteriores.
Deste xeito, procedeuse á realización de zanxas para a instalación posterior dun sistema de canalización mediante tuberías de PVC e pozos de rexistro que facilitou a disposición dun sistema de saneamento con sistema separativo de augas nos tres barrios sinalados.
Unha vez instalados os sistemas de canalización e de rexistro, procedeuse tamén á reposición e mellora da pavimentación das vías afectadas polas obras tanto no Pe de Areosa como en Teixoeira e O Campón. En total, as obras supuxeron a actuación nun tramo viario de preto de 1,5 quilómetros.
Así mesmo, a maiores desta partida achegada ao Concello do Valadouro con cargo a este fondo, incluiuse na presente anualidade unha achega de 46.105 euros para gastos de funcionamento do propio ente local, facilitando que a subvención total aportada ao consistorio mariñao supere este ano os 180.000 euros.
A delegada territorial da Xunta en Lugo, Raquel Arias, sinalou que o Fondo de Compensación Ambiental, posto en marcha pola Consellería de Presidencia, Administracións Públicas e Xustiza, permite aos concellos “a realización de gastos que revistan natureza produtiva e xeradora de emprego” e distribúense entre todos os concellos cuxo territorio municipal estea dentro da delimitación dun parque eólico e, igualmente, aos afectados pola correspondente instalación de conexión ou vía de evacuación.
Esta iniciativa, indicou Arias, reflicte “un triplo compromiso da Xunta, co medio ambiente, coas facendas locais”, posto que representa un importante ingreso para os concellos, “e por último, co reequilibrio territorial, dado que a maioría dos concellos beneficiados atópanse en zonas rurais da comunidade galega”.
Este xoves, técnicos da Xunta de Galicia visitaron a zona para comprobar o remate dos traballos acometidos e estender a correspondente acta de finalización do devandito proxecto.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
