O Burela FS Pescados Rubén xogarase a penúltima ficha para o acceso á Copa de España este sábado na complicadísima pista do Santiago Futsal. Os pupilos de Juanlu, desde a oitava praza (15 puntos), vivirán un derbi galego con aliciente de Copa de España no Multiúsos do Sar (18.00 horas, TVG2 en directo), un auténtico parapeto para os composteláns, na cuarta praza (21 puntos), de onde non deixaron escapar ningún punto no que vai de liga.
“Creo que estamos ben anímica e deportivamente; saímos reforzados do partido co líder, dando a cara en todo momento” aseguraba o ala Hugo, militante santiagués a tempada pasada, facendo referencia á máxima concentración dos laranxas fronte á grande intensidade como a mellor das virtudes dos de Compostela. “Imos dispostos a xogalo todo non só para meternos en Copa senón tamén para gañar confianza de cara á segunda volta” afirmaba con ilusión o 9 burelista.
“Sabemos que é un rival que non regala nada, que está sempre en todas as competicións, e máis este ano no que ten uns números envexables na casa, pero imos convencidos de poder romper a súa etapa e ser os primeiros en gañar no Sar” advertía Hugo.
O madrileño, engaiolado co apoio das bancadas burelistas desde a súa chegada á Mariña, mostrouse agradecido polo gran desprazamento que está organizando a peña A Pataca Naranxa, con 150 afeccionados confirmados, ademais varias decenas que viaxarán en vehículos particulares. “Para nós é moi importante sentir o alento dos afeccionados. O apoio da afección sempre foi algo vital para o crecemento deste club. O ano pasado estiveron no Sar e o Burela FS regresou cos tres puntos. Oxalá lles poidamos brindar a vitoria porque eles tamén a merecen despois dos altibaixos que tivemos” concluíu Hugo con optimismo.
Rivais directos
A xornada 14 tamén deparará derbis entre Magna Navarra, sétimo (18 puntos), e Ríos Renovables, noveno (15 puntos), esta tarde e Marfil Santa Coloma, sexto (19 puntos), e Peñíscola, décimo (14 puntos), o sábado.
Próxima cita
O Burela FS Pescados Rubén pechará a primeira volta na casa coa visita a Vista Alegre do Marfil Santa Coloma, tamén en púgnaa por un billete para a Copa de España; será o venres 13, ás 20.30 horas (horario unificado). O equipo de Juanlu aprazou uns días oitavos da Copa do Rei, previstos para o 10-11 de decembro; desprazarase á pista de Levante UD Dominicos, de Segunda División, o mércores 18 (20.30 horas, El Cabañal).
*Foto: A Caixa Escura Producións
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
