Foz, 26 de decembro de 2013. O Mercado da Ilusión de Foz será inaugurado este venres, ás once da mañá, e estará aberto ata o domingo na praza Conde de Fontao. O alcalde, Javier Jorge Castiñeira, destaca esta actividade dentro da programación de Nadal organizada polo Concello focense.
O rexedor municipal anunciou este venres que “mañá, venres, o Concello de Foz e máis un grupo de comerciantes inauguran o Mercado da Ilusión para que un ano máis todos os nenos do municipio e da Mariña se acheguen á zona portuaria de Foz, concretamente á praza Conde de Fontao, onde están instaladas unhas casetas para os postos do Mercado da Ilusión. É un punto de referencia nos actos de Nadal organizados polo Concello de Foz”.
Javier Castiñeira engadiu que “este ano está dedicado ao conto dos Pitufos e vai estar moi ben engalanado e moi bonito. Durante o venres e todo o fin de semana estará activo e todos os pais poderán levar os nenos ao Mercado da Ilusión. Estamos moi contentos porque xa estea consolidado dentro dos actos de Nadal organizados polo Concello de Foz e que rematarán o próximo día 5 de xaneiro coa visita dos Reis Magos. Queda todo o mundo invitado a pasar por Foz este fin de semana e visitar o Mercado da Ilusión, que sen dúbida aos nenos lle gustará moito porque estará moi bonito”.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
O viveirense será adxunto a presidencia e asesor do suízo Phip Waeffler no comité técnico internacional de Pentatlón Moderno para os vindeiros catro anos e co visto e prace da UIPM, onde se desempeña como Oficial de Operacións de Eventos e programa de formación de adestradores dentro da Unión.
O conselleiro do Mar visitou este venres a Feira Náutico Pesqueira que se celebra ata o sábado.
Este xoves recibíuse unha comunicación da Casa Real, felicitando pola consecución da Copa da Raíña 2025.
'50 anos de cultura - 50 anos de historia' pode verse nas Escolas Vellas de Cervo.
Unha cita á que a institución provincial achega 10.000€ para a súa organización e que reuniu a centos de persoas na Praza do Concello trabadense para degustar este prato típico do municipio. Carlos López destacou a colaboración da institución provincial a esta “cita senlleira, que pon en valor unha cultura gastronómica capaz de atraer visitantes ao noso territorio”. Destacou o traballo que fai o Concello mariñán por enxalzar este produto, tamén chamado faragullos que se elabora con touciño, ovos, leite, fariña e auga.
O delegado territorial da Xunta en Lugo, Javier Arias felicitou o pasado sábado, 3 de maio, a Reyco polos seus 30 anos de traxectoria no sector do transporte por estrada. Un exemplo de empresa lucense que medra con rigor, compromiso e aposta pola calidade "Desde a Xunta de Galicia seguimos apoiando ao sector con medidas para modernizar frotas, dixitalizar procesos e mellorar a formación dos profesionais". "O transporte é clave para o futuro económico de Galicia e empresas coma esta son parte dese avance", apuntou.
