A Asociación de Comerciantes e Empresarios de Burela abre a súa campaña de Nadal esta fin de semana co acendido da Árbore dos Desexos na Praza do Concello o venres ás 9 da noite, a celebración do “saturday shopping” con descontos de ata o 20% no comercio local e as xornadas gastronómicas “Ponte de Pulpo”, nas que participan vinte locais hostaleiros e nas que os clientes opden gañar unha cesta de peixe doada por ABSA e valorada en 500€.
A campaña deste ano, baixo o título de “Este Nadal tes unha cita con Acia Burela”, durará desde o 6 de decembro ata o 5 de xaneiro, e inclúe unha oferta moi variada de actividades:
Árbore dos Desexos e Cabana do Duende: situados na Praza do Concello. Alí se poden depositar as cartas dos nenos para Papá Noel ou os Reis Magos, e tamén a tarxeta co desexo de Nadal. Como o ano pasado, AciaBurela comprométese a facer realidade 3 dos desexos recibidos. As tarxetas para escribir o desexo pódense conseguir coas compras nos establecementos da campaña. Xunto á árbore tamén se atopará un punto de recollida de xoguetes da Cruz Vermella.
Saturday Shopping: este sábado 7 de decembro os comercios da campaña ofrecerán diferentes produtos con descontos especiais de ata o 20%.
Xornadas Gastronómicas: ademais das xornadas do pulpo nesta ponte, ó longo destas datas a hostalería de Burela celebrará tamén as xornadas dos ovos fritos, patas e chourizo (21-22 decembro a mediodía) e dos callos (28-29 decembro a mediodía).
Domingos de Tendas Abertas: os domingos 22 de decembro e 5 de xaneiro o comercio abrirá en horario especial de mañá e tarde.
Mercadillos de Nadal: na fin de semana do 14-15 celébrase o 4º Rastrillo de Asociacións no edificio das asociacións (antiga Praza de Abastos), no que participan diferentes asociacións e colectivos de Burela. E o domingo 22 xunto á Árbore dos Desexos celébrase un Mercadillo Navideño da Asociación de Axuda ó Enfermo Mental A Mariña.
Outras actividades de Nadal: este Nadal Burela acolle moitas outras actividades, como un concurso fotográfico fronte ós escaparates dos comercios asociados; ambientación navideña con pasarrúas musical o sábado 21; o concerto de panxoliñas da Coral Polifónica; unha xuntanza de Papá Noeis o domingo 22 con churros gratis e no que se sortearán varios regalos; e unha agradable inocentada o día 28 co reparto de billetes especiais no comercio local que se poderán canxear por regalos na Árbore dos Desexos.
Festa Fin do Nadal: o domingo 5 de xaneiro Acia Burela vivirá a súa gran festa de Nadal. Despois da Cabalgata de Reis, na Praza da Mariña celebraráse unha chocolatada e rosconada na que poden tocar moitos regalos directos e vales de desconto nos establecementos da campaña. A partir das 10 da noite sortearáse o Gran Escaparate de Premios, con tres premios valorados en 2000€, 1000€ e 500€ respectivamente. Durante esta festa serán cando se verán cumpridos os 3 desexos da Árbore do Nadal.
De volta no obradoiro, estes verdadeiros artistas puxeron toda a súa creatividade para elaborar preciosos marcos personalizados. Cada marco é único, feito con moito agarimo e cun anaquiño da nosa costa.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Está a celebrarse do 1 ao 5 de xullo na piscina municipal o primeiro campus de verán de waterpolo, dirixido a deportistas federados que queren aprender e gozar deste deporte nun ambiente divertido e formativo, en colaboración coa FEGAN e que conta coa visita de profesionais deste deporte, que comparten a súa experiencia e coñecementos cos participantes.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
Unha primeira xornada chea de risas, descubrimentos e moita calma da man de Rosa, e das súas acompañantes caninas Vilma e Tila. Todos os martes, de 12:00 a 13:00 h, haberá este espazo no que aprenderase a identificar, expresar e xestionar o que se sinte dentro do programa Enredando no verán. Está dirixido a nenos e nenas de 3 a 6 anos. Inscricións para o Taller de emocións na Casa da Cultura: casadacultura@concellodecervo.com, tel: 982 595 157.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
